Anons

1-02-2023, 12:51- Müxalifət partiyaları Rəsulzadənin Novxanı kəndindəki abidəsini ziyarət ediblər

1-02-2023, 10:03- Gəncədə ADAU-nun dekanı korrupsiyaya görə saxlanılıb

1-02-2023, 07:31- Kəfənin qiymətində artım yoxdur? - Məşhur aparıcıdan etiraz

31-01-2023, 21:58- AXCP üzvü “Azərişıq”la bağlı etirazından sonra həbs olundu

31-01-2023, 20:51- Cavadxan qəsəbəsi: Adsız, işıqsız küçələr, palçıqlı yollar…

31-01-2023, 16:22- DİN əməliyyat keçirdi, saxlanılanlar var

31-01-2023, 14:54- İranla sərhəddə: ‘İki-üç gündür nə ora gedən var, nə də gələn’

31-01-2023, 06:47- QAX SAKİNİ: “ƏMLAK KOMİTƏSİ ELEKTRON XƏRİTƏDƏ PAY TORPAQLARIMIZI AZ GÖSTƏRİR”

30-01-2023, 20:38- Vəkili Bəxtiyar Hacıyevin səhhətinin kəskin pisləşdiyini deyir

30-01-2023, 17:04- Ukraynada müharibəni dayandırmaq Putinə çətindir

30-01-2023, 15:45- İsrailin döyüş dronları İranın hərbi fabriklərini bombalayıb, zəlzələ isə Xoy şəhərini dağıdıb

30-01-2023, 14:01- 24 HAKİM, BİR QƏRAR

30-01-2023, 13:21- Bəxtiyar Hacıyevin 13 kloqramdan çox çəki itirdiyi deyilir

30-01-2023, 13:09- Goranboyda kimlər kəndçinin DİZİNİ YERƏ QOYUR? - NARAZILIQ VAR!

30-01-2023, 09:54- "Qaradağın Sultan Süleyman"ı və onun qara xəzinədarları

28-01-2023, 18:57- Kooperasiya Universitetində “YIĞIM MÖVSÜMÜ”: Şöbə müdiri qiymət üçün magistrlərə neçə manat “oxuyur?” – FOTO

28-01-2023, 17:53- Vəkillərinə Bəxtiyar Hacıyevlə görüş verilməyib

28-01-2023, 16:41- “Polislərin etinasız davranışı nəticəsində həyat yoldaşımın vəziyyəti pisləşdi”

28-01-2023, 13:31- SMDT: "2022-ci ildə sərbəst toplaşmaq azadlığı, ifadə azadlığı kimi hüquqların pozulması üstünlük təşkil edib"

28-01-2023, 10:57- Məhkəmə 19 gündür aclıq edən Bəxtiyar Hacıyevi həbsdə saxlayıb

Haqqımızda Əlaqə

“Psixiatriya xəstəxanasında bacılarımı elə döyüblər…”

Tarix:29-12-2022, 17:24 Baxış Sayı:12

“Psixiatriya xəstəxanasında bacılarımı elə döyüblər…”

Tovuz sakininin şikayəti araşdırılır

Tovuz rayonunun Əlimərdanlı kənd sakini Mənzərə Salmanova əkiz bacılarının saxlandıqları xəstəxanada döyüldüyünü iddia edir. Söhbət Qazax Rayonlararası Psixiatriya Xəstəxanasından gedir.

“Hər ikisinin bədənində, üzündə döyülmə izləri vardı”

Mənzərə Salmanova Meydan TV-yə danışır ki, 1964-cü il təvəllüdlü əkiz bacıları Mətanət və Kifayət Salmanovalar anadangəlmə xəstədir. Buna baxmayaraq, 2022-ci ilə qədər onları xəstəxanaya yerləşdirməyiblər. Çünki əvvəllər onlara anaları qulluq edib. Ana vəfat edəndən sonra isə bacıları Firəngiz hər ikisinin qayğısına qalıb. Lakin bu ilin fevralında onu da itiriblər. Avqust ayında başqa bir bacısı Mətanət və Kifayət Salmanovaları Qazaxda yerləşən psixiatriya xəstəxanasına yerləşdirib.
Mənzərə Salmanova deyir ki, bacılarının xəstəxanaya yerləşdirildiyini biləndən sonra onları oradan çıxarmaq qərarına gəlib və Qazaxa yollanıb. Lakin xəstəxananın baş həkimi Venera Salifova bacılarını çıxarmağa imkan verməyib:

“Dedi ki, “hara istəyirsənsə, şikayət elə, qoymuram”. Nə qədər yerlərə şikayət elədim – icra hakimiyyətindən tutmuş, Ombudsmana, prokurorluğa qədər. Axırda dekabrın 6-da Bakıdakı prokurorluğun köməyilə (Baş Prokurorluğu nəzərdə tutur-red.) bacılarımı oradan çıxarmağa nail oldum. Bacılarım nə vəziyyətdə idi?! Hər ikisinin bədənində üzündə döyülmə, xəsarət izləri vardı”.

Dövlət orqanları nə deyir?

Mənzərə Salmanova həm baş həkimdən, həm də xəstəxananın işçilərindən Qazax rayon Polis Şöbəsinə şikayət edib. Mətanət və Kifayət Salmanova bacıları ekspertizadan keçirilib. Hələlik ekspertizanın rəyi Mənzərə Salmanovaya məlum deyil. İşin araşdırılması isə prokurorluğa həvalə olunub.

Prokurorluqdan Meydan TV-yə bildirilib ki, bu məsələ ilə bağlı araşdırmalar davam edir.

Səhiyyə Nazirliyinin mətbuat xidmətindən isə Meydan TV-nin bu haqda sorğusuna cavab olaraq bildirilib ki, hüquq-mühafizə orqanlarının araşdırma apardığı məsələ ilə əlaqədar hər hansı açıqlama verilməsi prosesin gedişinə təsir kimi qiymətləndirilə bilər.

“Yalan danışırlar”

Qazax Rayonlararası Psixiatriya Xəstəxanasından isə Meydan TV-yə bildirilib ki, Salmanova bacılarının xəstəxana əməkdaşları tərəfindən zorakılığa məruz qalması haqda Mənzərə Salmanovanın iddiaları həqiqətəuyğun deyil: “Belə hallar xəstələr arasında olur, əksinə, işçilər qarşısını almağa çalışır. İki bacı bir-birinə nəsə edibsə, buna görə işçini günahlandırmaq düzgün deyil…”.

Mənzərə Salmanova isə deyir ki, onda xəsarət izlərinin fotoları var, sadəcə, onları mediada yayımlamaq etik olmadığına görə yaymaq istəmir. Onlar hüquq-mühafizə orqanlarında da var, bacılarının bədəninin o hissələrində olan xəsarətlər də ekspertlər tərəfindən qeydə alınıb:

“Elə xəsarətlərdir ki, mənim bir bacımın o birinə yetirməsi mümkün deyil. Yalan danışırlar ki, guya iki bacı dalaşıblar, onda xəsarət alıblar. Elə xəsarətlər var, sanki yanıq yeridir…”.

Meydan TV

dle

ŞƏRH YAZ
SON XƏBƏRLƏR
XƏBƏR LENTİ
KARİKATURA
YAZARLAR
SAĞLAMLIQ
TƏHSİL