10-02-2024, 15:59- Putinin Karlsona müsahibəsi propaqanda platforması kimi tənqid olunur
10-02-2024, 14:22- Avropa Xarici Fəaliyyət Xidmətinin mətbuat katibinin Azərbaycanda prezident seçkilərinə dair bəyanatı
2-02-2024, 09:58- ATƏT DTİHB: ‘…Digər altı namizədin hər biri yaxın keçmişdə prezidenti dəstəkləyib’
30-01-2024, 17:57- Azərbaycana avtomobil gətirənlərin xərci 2 dəfə artıb
30-01-2024, 13:39- Məhkəmə fəalın apellyasiya şikayətini təmin edib
25-01-2024, 17:01- AŞPA-nın qərarının təsiri: Azərbaycan müxalifəti nəticələr haqqında düşünür
25-01-2024, 12:54- AŞPA məruzəçisi: Azərbaycan və Türkiyə jurnalist hüquqlarının pozulmasında liderdir
22-01-2024, 16:11- Rusiya Qərbi Rusiyanın aktivlərinin dondurulmasına cavab olaraq 288 milyard dollar itki ilə hədələyir
22-01-2024, 14:30- Hafiz Babalı onu gözdən salan KİV-i məhkəməyə verəcək
22-01-2024, 13:59- Başqırdıstan etirazlarına görə dörd nəfərə ittiham verilib
19-01-2024, 12:34- Vəkil: Nərgiz Absalamovanın ailə üzvləri ilə təmaslarına məhdudiyyət qoyulmasının əsası yoxdur
19-01-2024, 10:58- Fəalları Başqırdıstanı Rusiyadan ayırmaq çağırışlarında ittiham edirlər
17-01-2024, 16:00- Aİ-nin Azərbaycandakı Nümayəndəliyinin rəhbəri jurnalistlərə qarşı rəftardan dəhşətə gəldiyini bildirib
17-01-2024, 14:07- Ermənistan siyasətçiləri məyusdurlar: ‘Əliyev yeni müharibəyə hazırlaşır’
17-01-2024, 13:56- Ötən ilin yekun iqtisadi göstəriciləri açıqlanıb
16-01-2024, 16:25- ‘Ayrıcadırlar’: İrandan dəstək görsələr də, husilərin müstəqilliyi İranı qoruyur
16-01-2024, 11:54- Tramp Ayovada praymeriz seçkilərini udur
16-01-2024, 11:53- Jurnalist Şahin Rzayev həbs edilib
12-01-2024, 14:52- ABŞ və Böyük Britaniya Yəməndə hisilərin mövqelərini vurur
12-01-2024, 10:31- Britaniyanın baş naziri Kiyevdədir
İlham Hüseyn
200 milyard dollardan artıq vəsaiti talan edənlər, hüququ ayaqlar altına atanlar, xalqın səsini oğurlayanlar, yaltaqlığı normaya çevirənlər, korrupsiya çempionu olanlar, qaziləri intihar həddinə çatdıranlar, Tərtər terroruna göz yumanlar, demokratiya, azadlıq, ədalət tələb edənlərə “xain” damğası yapışdırırlar. Bu bədbəxtlər qanmırlar ki, biz ədaləti, azadlığı, şəffaflığı Amerikaya, Avropaya görə istəmirik, özümüzə görə istəyirik. Con, Maykl, Tom layiq olduğu həyatı yaşayır. Biz istəyirik ki, Əli, Vəli, Məmməd də layiq olduğu həyatı yaşasın. Biz hökumətə ABŞ-ı sev, Avropanı mədh elə demirik. “Azərbaycanı demokratik, sivil, qanunların şah olduğu ölkələrin sırasına salın” deyirik. “Vətəndaşa həmin ölkələrdə olduğu kimi dəyər verin” deyirik. “21-ci əsrdə ölkəni orta əsrlərə çevirməyin” söyləyirik. Ona görə də xalqımız bu həssas məqamda aldanmamalıdır. Bayden səni sevmirsə, sən xalqına zülm etməlisən? Nensi xoşumuza gəlməyən fikir səsləndiribsə, bəşəri dəyərlərdən imtina etməliyik? Makron erməniyə jest edibsə, biz ədalətli seçki keçirməməliyik? Görürsüz, nə qədər absurd yanaşmadır? Həm də bu təbliğatı aparanların övladları ABŞ-da, Avropada təhsil alır, orada istirahət edir, orada müalicə olunur, orada biznes qurur.
İndi əllərinə fürsət düşüb, öz yarıtmazlıqlarını bu fürsətin arxasında gizlətməyə çalışırlar. Deyirlər ki, filankəs ermənipərəstdi. Yaxşı, onda sən Azərbaycanpərəst ol də. Sən xalqı sevdiyini nümayiş etdir də. Repressiyanı da ABŞ edir, şəhid qardaşının üzr videosunu İngiltərə təşkil edib, Tərtər hadisələrini Almaniya törədib, günahsız insanları Fransa hökumətə həbsxanalara doldurub? Offşorlarda gizlədilən milyardlar Nensiyə məxsusdur? Fakt budur ki, zəngin bir ölkəni bütün sahələrdə tənəzzülə uğradıblar. Günahsız insanları həbs etməklə, mürtəce qanunlar qəbul edərək, dünyayla bazarlıq mövzusu yaradırlar.
Bir sözlə, son günlər aparılan anti-Qərb təbliğatı vətəni sevməyin, dövlətə bağlılığın göstəricisi deyil, şəxsi maraqların tələbidir. Azərbaycanın adını qara siyahılara salıb, düşmənə arqument qazandıran siyasət göz qabağındadır. İnsanlara təlqin edirlər ki, kölə kimi yaşamağa şükr edin, milyardların oğurlanmasına göz yumun. Qürursuzluğun, təslimçiliyin, qorxaqlığın, əsl vətəndaşlıq göstəricisi olduğunu təbliğ edirlər.
Azərbaycan haqlıdır, Ermənistana dəstək verənlər haqsızdır və dövlətimiz bizim qırmızı xəttimizdir. Amma buna da bilək ki, dövləti avtoritarizm bataqlığına salanlar, dövlətə ən böyük düşmənçilik edənlərdi. Bu dövlət hansısa Qərb diplomatının Ermənistana xoş söz deməsiylə dağılmaz. Bu dövləti anti-milli siyasət dağıdır. Demokratiyanı söyüb, ədaləti döyüb, azadlığı boğub, eyni zamanda da dövləti, xalqı sevmək olmaz. Əslində, bəşəri dəyərlərdən imtina, dövləti ayaqlamaqdı.