Sentyabrın 12,saat 09:30 radələrində Metronun yanında yerləşən uşaq oyuncaqları mağazama baş çəkməyə gəlmişdim ki,içəriyə 4 mülki geyimli şəxslər daxil olub özlərini təqdim belə etmədən,məni zorla əl-qolumu burub,qandallayıb Mercedes markalı maşına otuzdurdular.Maşının içərisində mənə zor tətbiq etməyə başladılar.Onlardan vurmamağı,xəstə olduğumu desəmdə vecsiz halda qəddarcasına baş və qarın nahiyyəmə yumruqlar endirməyə davam etdilər.

Məni Baş Prokurorluğa gətirib maşından düşürdülər.

Məni zorla deyil öz xoşuma gətirdiklərini deməyimi tələb etdilər.

Mən isə qanunsuz olaraq iş yerimdən çıxarılaraq,zor gücünə maşına otuzdurulub bura gətirdiklərini Baş Prokurorun müavininə dedim.

O isə:Azərbaycan polisi zorakılıqla deyil mədəni və sivil şəkildə davranışla şəxsi prokurorluğa dəvət edir deyərək,öz əməkdaşlarının tərəfini saxladı.

Məni 12 saat nəzarətxanada saxlayıb Əvəz Zeynallı ilə mənə aidiyyatı olmayan suallar verməyə başladılar.

Məni psixoloji və ruhən yorub Əvəz bəyin əleyhinə ifadə etməyə məcbur etmək istəsələr də mən bunu etməyəcəyəm dedim.

Cavab olaraq yenə şiddət,yumruqlar və dəyənək aldım.

Çox böyük ruhi sarsıntı keçirdim,psixoloji pozuntular yaşadım.

Tərlan Mustafayev