Anons

1-02-2023, 12:51- Müxalifət partiyaları Rəsulzadənin Novxanı kəndindəki abidəsini ziyarət ediblər

1-02-2023, 10:03- Gəncədə ADAU-nun dekanı korrupsiyaya görə saxlanılıb

1-02-2023, 07:31- Kəfənin qiymətində artım yoxdur? - Məşhur aparıcıdan etiraz

31-01-2023, 21:58- AXCP üzvü “Azərişıq”la bağlı etirazından sonra həbs olundu

31-01-2023, 20:51- Cavadxan qəsəbəsi: Adsız, işıqsız küçələr, palçıqlı yollar…

31-01-2023, 16:22- DİN əməliyyat keçirdi, saxlanılanlar var

31-01-2023, 14:54- İranla sərhəddə: ‘İki-üç gündür nə ora gedən var, nə də gələn’

31-01-2023, 06:47- QAX SAKİNİ: “ƏMLAK KOMİTƏSİ ELEKTRON XƏRİTƏDƏ PAY TORPAQLARIMIZI AZ GÖSTƏRİR”

30-01-2023, 20:38- Vəkili Bəxtiyar Hacıyevin səhhətinin kəskin pisləşdiyini deyir

30-01-2023, 17:04- Ukraynada müharibəni dayandırmaq Putinə çətindir

30-01-2023, 15:45- İsrailin döyüş dronları İranın hərbi fabriklərini bombalayıb, zəlzələ isə Xoy şəhərini dağıdıb

30-01-2023, 14:01- 24 HAKİM, BİR QƏRAR

30-01-2023, 13:21- Bəxtiyar Hacıyevin 13 kloqramdan çox çəki itirdiyi deyilir

30-01-2023, 13:09- Goranboyda kimlər kəndçinin DİZİNİ YERƏ QOYUR? - NARAZILIQ VAR!

30-01-2023, 09:54- "Qaradağın Sultan Süleyman"ı və onun qara xəzinədarları

28-01-2023, 18:57- Kooperasiya Universitetində “YIĞIM MÖVSÜMÜ”: Şöbə müdiri qiymət üçün magistrlərə neçə manat “oxuyur?” – FOTO

28-01-2023, 17:53- Vəkillərinə Bəxtiyar Hacıyevlə görüş verilməyib

28-01-2023, 16:41- “Polislərin etinasız davranışı nəticəsində həyat yoldaşımın vəziyyəti pisləşdi”

28-01-2023, 13:31- SMDT: "2022-ci ildə sərbəst toplaşmaq azadlığı, ifadə azadlığı kimi hüquqların pozulması üstünlük təşkil edib"

28-01-2023, 10:57- Məhkəmə 19 gündür aclıq edən Bəxtiyar Hacıyevi həbsdə saxlayıb

Haqqımızda Əlaqə

Yazıçı: “Saç qırxmaq mafiya qaydalarına aid əməldir”

Tarix:19-01-2023, 18:19 Baxış Sayı:1

Yazıçı: “Saç qırxmaq mafiya qaydalarına aid əməldir”

Deputat deyir ki, əgər azyaşlının saçı qırxılıbsa, həmin polislər cəzalandırılmalıdır

Əlisahib adlı azyaşlının “Tik-tok”da polisi təhqir etdikdən sonra saçı qırxılmış halda sosial şəbəkədə görüntülənməsi müzakirələrə səbəb olub.

Sosial şəbəkə istifadəçiləri iddia ediblər ki, o, polisi təhqir etdikdən sonra bu vəziyyətə salınıb.

Daxili İşlər Nazirliyi (DİN) iddiaları qəbul etməyib.

Qurumun rəsmisi Nurlan Əliyev yayılan görüntülərin hər hansı polis idarəsinin inzibati binasında çəkilmədiyini deyib. O, məsələnin araşdırıldığını deyib.

Hüquq müdafiəçisi Rüfət Səfərov isə öz təcrübəsinə əsaslanaraq, bu hadisənin polis tərəfindən tərədildiyinə əminliyini ifadə edib.

Bəs sənət adamları, yaradıcı şəxslər hadisə ilə bağlı nə düşünür?

Şair Aqşin Yenisey “Facebook” profilində bu məsələyə münasibət bildirməsi də birmənalı qarşılanmayıb.

Aqşin Yenisey

Yenisey bu hadisəni polisin vətəndaşın anlaya biləcəyi dildə danışması kimi qiymətləndirib.

“Söyüşə minimum on doqquz bıçaq zərbəsi ilə cavab verən vətəndaşı qəhrəman elan edən cəmiyyət, söyüşə görə vətəndaşı vətəndaşın öz qandığı yolla cəzalandıran polisdən qanun tələb edir. Əlbəttə, polis qanun keşikçisidir, amma xalqın, cəmiyyətin hörmət etmədiyi qanuna niyə keşik çəkməlidir ki?”, – Yenisey qeyd edib.

“Aqşinin yazdıqlarında daha çox ironiya sezdim”

Yazıçı Şərif Ağayar isə Meydan TV-yə deyib ki, dövləti təmsil edən hər hansı bir şəxs, insan qanundan kənar addım atmamalıdır.

O düşünür ki, Aqşin Yeniseyin yazdığında da ironiya var:

“Aqşinin yazdıqlarında daha çox ironiya sezdim. Məncə, demək istəyib ki, qanun yadımıza yalnız qaşı tərəf onu pozanda düşməməlidir. Qanuna hörmət etməliyik ki, haqqımız tapdananda da ondan imdad diləyə bilək. Aqşin Yenisey yəqin ki, belə demək istəyib. Mən belə başa düşürəm”.

Şərif Ağayar

“Hər bir vətəndaş öz adından hərəkət edir. O, sarsaqlaya, ağlına gələni danışa, edə bilir. Polis isə dövləti təmsil edir. Dövləti təmsil edən hər hansı bir şəxs, insan qanundan kənar addım atmamalıdır. Azərbaycanın İnzibati Xətalar Məcəlləsi və Cinayət Məcəlləsi kimi adekvat cəza qanunları var. Qanunda boş yer yoxdur ki, kimsə öz ağlı ilə şəxsiyyəti alçaltmaq istiqamətində xüsusi cəza üsulu uydursun. Polis baş verənləri inkar etdi. Mən də inanmağa çalışıram ki, belə bir şey olmayıb. Saç qırxmaq mafiya qaydalarına aid əməldir. Dövlət bu cür işləməmlidir. İşləməz də”.

“Qanun hamıya aid olmayanda xaos olur”

Xalq artisti Rasim Balayev hesab edir ki, qanunlar hamiya aid olmayanda xaos baş verir: “Azərbaycanda qanunların necə işləməsindən xəbərim yoxdur. Bəzən polis orqanlarında işləyənlər belə bir ifadə işlədirlər: qanun şahdır, şah qanun deyil. Qanun hamıya eyni dərəcədə aid olmalıdır. Bəzən şəhərdə maşın sürəndə görürəm ki, yanımdan biri çox sürətlə keçdi. Baxırsan ki, maşının nömrəsi bərkgedəndir. Polislər ona heç nə demirlər. Başqa birisini saxlayırlar. Qanun hamıya aid olmayanda xaos olur”.

“Əgər belə bir qanunsuzluq olursa, buna yol verənlər mütləq cəzalandırılmalıdır”

Millət vəkili Fazil Musatafa deyir ki, əgər belə hal baş veribsə, qanunaziddir: “Məsələ ilə bağlı aidiyyəti qurumun rəsmi açıqlaması oldu. Əgər belə bir hal baş veribsə bu, qanunaziddir. Vətəndaş bir söyüşə görə savadsızlıqdan, cahillikdən kimisə bıçaqlaya bilər. Buna görə də cəzasını çəkməlidir. Amma bütün hallarda polis qanunu qorumalıdır. Hər hansısa bir adam hətta söyüş söyübsə belə konkret olaraq məsuliyyətə cəlb olunmalıdır”.

Deputat Fazil MustafaFoto: Meydan TV

“Əgər belə bir qanunsuzluq olursa, buna yol vermiş əməkdaşlar mütləq cəzalandırılmalıdır. Tərəflər arasında kimin haqlı olduğunu təyin etmək bir qədər çətindir. Bütün hallarda polis vətəndaşa qarşı qanunazidd davranış göstərməmlidir”, – deyə Fazil Mustafa bildirib.

“Bəzən insanlar hakimiyyətə yaltaqlanmaq üçün günahı mentalitetdə görürlər”

Yazıçı Rasim Qaraca isə bildirib ki, bəzən insanlar hakimiyyətə yaltaqlanmaq üçün bütün günahı mentalitetdə görür: “Bütün günahları mentalitetdə görmək də hakimiyyətə yaltaqlanmağın yeni bir formasıdır, deyəsən. İnanıram ki, Aqşində belə deyil”.

Rasim QaracaFoto: Rasim Qaracanın şəxsi arxivindən

“Tik-tok”da canlı yayım açaraq polisin ünvanına təhqirlər səsləndirdiyi deyilən gəncin tutularaq ona qarşı aşağılayıcı hərəkətlər edildiyi bildirilir.

Hadisə baş verən gün DİN-in mətbuat xidmətinin şöbə rəisi Elşad Hacıyev də məsələyə “Facebook” səhifəsində münasibət bildirib: “Polis orqanına hansısa əməldə təqsirli bilinən şəxs gətirilir və əlində telefonla olan fotosunu çəkirlər? Özfəaliyyətdir. Qəbuledilməz haldır”.

“Kimliyindən asılı olmayaraq heç bir vətəndaş qeyri-insani rəftara məruz qala bilməz. Fotoşəkil kiminsə “TikTok”da “jeton” toplamaq niyəti ilə çəkilib”, – deyə o bildirib.

Meydan TV

dle

ŞƏRH YAZ
SON XƏBƏRLƏR
XƏBƏR LENTİ
KARİKATURA
YAZARLAR
SAĞLAMLIQ
TƏHSİL