Rusiya klubları və komandaları Ukraynada münaqişə bitənə qədər Avropa Futbol Assosiasiyaları İttifaqının (UEFA) himayəsi altında keçirilən turnirlərdə iştiraka buraxılmayacaq.
Bunu UEFA-nın prezidenti Aleksander Çeferin qurumun Belqradda keçirilən konqresində deyib.
Bundan əvvəl Rusiya Futbol İttifaqının rəhbəri Aleksandr Dyukov TASS-a bildirib ki, Rusiya futboluna qarşı sanksiyalar Ukraynada atəşkəsdən əvvəl ləğv edilə bilər.
"Rusiya komandalarının geri qəbul edilməsinə gəlincə, mən bu mövzu haqqında artıq dəfələrlə danışmışam və şübhəniz varsa, təkrarlaya bilərəm. Dönüş yalnız münaqişə bitəndən sonra olacaq", - Çeferin bildirib.
Xatırladaq ki, UEFA və Beynəlxalq Futbol Federasiyası 2022-ci ildən Rusiya milli komandaları və klublarının keçiriləcək yarışlarda iştirakını qadağan edib.скачать dle 12.1