Gundemxeberinfo "Liberte Azərbaycan" təşkilatına istinadən xəbər verir ki, Avropada yaşayan bir sıra mühacirlər, o cümlədən siyasi fəaliyyətinə görə təqiblərlə üzləşən və buna görə də uzun müddətdir ki, ailəsi ilə birlikdə Avropada yaşayan mühacir Yusif Rəsulov (fotoda sağ tərəfdən dördüncü şəxs) Azərbaycandakı siyasi məhbusların azad olunmasına dəstək məqsədilə, Fransada yaşadıqları şəhərdə 26 aprel 2025-ci il tarixdə dinc aksiya keçirmişlər.

Aksiya iştirakçıları Azərbaycanda son dövrlər get-gedə artan, jurnalist və azad fikir sahiblərinin qanunsuz və şərlənərək cinayət məsuliyyətinə cəlb edilmələri və həbs olunmalarına qarşı şüarlar səsləndirmişlər. 

Siyasi mühacir Yusif Rəsulov, ona qarşı hələ də Azərbaycanda davam edən təzyiqlərə, ailə üzvlərinə qarşı olan təhdidlərə baxmayaraq, öz əqidəsinə sadiq qalıb qanunsuz olaraq həbs olunmuş bütün siyasi məhbusların azad olunması ilə bağlı sosial media vasitəsilə Azərbaycan hökümətinə çağırışlar etmişdir. 

Bununla bağlı Y.Rəsulov özünün Facebook hesabında da paylaşım etmişdir.

Xatırladaq ki, Yusif Rəsulov Azərbaycan hakimiyyəti tərəfindən üzləşdiyi təzyiqlərə görə,ailəsi ilə bir müddətdir ki, Avropada mühacir həyatı yaşayır. Həmçinin o, hal-hazırda yaşadığı ölkədə mütəmadi olaraq keçirilən, Azərbaycandakı siyasi məhbuslara azadlıq tələb edən dinc aksiyaların fəal iştirakçısıdır.скачать dle 12.1