30-07-2023, 17:12- Moskvaya yenə dron hücumları olduğu bildirilir
27-07-2023, 15:31- Cəbhəçiyə 3 ay həbs verildi
26-07-2023, 19:10- Cəbhəçi həbs edilib, DİN-dən izah
26-07-2023, 13:31- REKTOR XOFU
25-07-2023, 14:14- ABŞ səfirliyi: Biz Azərbaycanı öz vətəndaşlarının, o cümlədən Qubad İbadoğlunun hüquqlarını qorumağa çağırırıq
24-07-2023, 16:25- ‘Hürriyyət’ qəzetinin baş redaktoru həbs olunub
22-07-2023, 13:48- Azərbaycan mətbuatı 148 yaşında
22-07-2023, 11:03- ABŞ kəşfiyyatı Rusiyanın nüvə silahlarının Belarusda olduğunu təsdiqləyir
21-07-2023, 18:09- Söyüdlüdəki vəziyyəti araşdırmaq üçün komissiya yaradıldı
21-07-2023, 16:22- Söyüdlü kənd sakinlərinin sağlamlığı və müraciətləri araşdırılacaq
20-07-2023, 13:00- Türkiyədə gün ərzində 7-ci ZƏLZƏLƏ
20-07-2023, 11:58- Britaniya Rusiyaya qarşı sanksiyaların nə qədər davam edəcəyini açıqladı
19-07-2023, 20:36- Azərbaycanın daha bir hərbçisinin özünü güllələdiyi bildirilir
19-07-2023, 16:49- Qarabağ əlili: “Ayaqlarım başıma bəla olub”
17-07-2023, 17:26- Avropa Parlamenti NATO-nu Ukraynanı alyansa qoşulmağa dəvət etməyə çağırır
17-07-2023, 10:08- Fazil Mustafa manatlıq taksilərə dəstək verdi — "İnsanlar kefindən istifadə etmir ki..."
17-07-2023, 10:07- Hərbçimiz cəbhədəki SON VƏZİYYƏTDƏN danışdı: "Bir neçə gündür..."
16-06-2023, 20:26- Jurnalist polisin aksiyada ona qəsdən xəsarət yetirdiyini deyir
15-06-2023, 22:27- Bəxtiyar Hacıyevə qarşı yeni ittihamlar irəli sürülüb, onu 12 ilədək həbs gözləyir
“Hürriyyət” qəzetinin baş redaktoru Vüqar Məmmədov həbs olunub. İyulun 24-də Binəqədi rayon Məhkəməsində onun haqqında 1 aylıq inzibati həbs qərarı çıxarılıb.
O, rəhbərlik etdiyi “Hurriyyet TV” adlı internet televiziyasında qadağan edilmiş məlumatın yayılmasında ittiham olunur.
Vüqar Məmmədovla yanaşı, iyulun 19-da kanalın efirində çıxış etmiş, ehtiyatda olan polkovnik Elnur Məmmədov da cəzalandırılıb. Ona da eyni ittihamla – İnzibati Xətalar Məcəlləsinin 388-1.1.1 (internet informasiya ehtiyatında yayılması qadağan edilən informasiyanın yerləşdirilməsi və ya qarşısının alınmaması) maddəsilə 1 aylıq həbs cəzası verilib.
“Hürriyyet TV”nin redaksiyasından AzadlıqRadiosuna bildirilib ki, Vüqar Məmmədov iyulun 24-də günorta saatlarında Baş Prokurorluğa çağırılıb:
“Axşam saat 8-ə qədər redaksiyaya da, onun yaxınlarına da heç bir məlumat verilməyib. Yalnız onu deyiblər ki, məhkəməyə aparılacaq”.
Baş Prokurorluğun mətbuat xidmətindən AzadlıqRadiosuna bildirilib ki, həm Vüqar Məmmədov, həm də Elnur Məmmədov haqqında Baş Prokurorluğun Cinayət təqibindən kənar icraatlar idarəsində araşdırma aparılıb. Ardınca onlar məhkəmə önünə çıxarılıb. Prokurorluq iddia edir ki, adları çəkilən şəxslər “İnformasiya, informasiyalaşdırma və informasiyanın mühafizəsi haqqında” qanunu pozublar.
Polkovnik Elnur Məmmədov iyulun 19-da “Hurriyyet TV”nin efirindəki çıxışında Azərbaycan Ordusunda korrupsiyadan danışıb və Müdafiə naziri Zakir Həsənovun ünvanına ittiham xarakterli fikirlər səsləndirib. Həmin proqramın aparıcı Vüqar Məmmədov olub.
Vüqar və Elnur Məmmədovlar özlərini təqsirli bilmirlər. Onlar söz və ifadə azadlığının konstitusion hüquq olduğunu vurğulayırlar.
Ehtiyatda olan polkovnik Elnur Məmmədov daha öncə də Müdafiə Nazirliyinin Hüquq departamentinin rəisi Elçin Əliyevin şikayəti əsasında həbs olunmuş və Cinayət Məcəlləsinin 147.2 (ağır cinayətdə ittiham etməklə böhtan atma) maddəsiylə 6 ay azadlıqdan məhrum edilmişdi.