Misirin paytaxtı Qahirədə yoxsul ailələrin bir qismi qəbristanlıqda yaşamaq məcburiyyətindədir.Evləri olmayan və kirayə haqqı ödəyə bilməyən yoxsul insanlar çıxış yolunu şəhərdəki qəbiristanlıqlarda məskunlaşmaqda görüb. 

Uşaqların məzarlar arasında böyümək məcburiyyətində qalması onların psixologiyasına ciddi təsir etsə də, Misir rəhbərliyi bu istiqamətdə heç bir addım atmır. Məzarlıq sakinlərinin bir qismi əsasən qazmaq və təmizlik işləri ilə məşğul olur, digər qism isə satıcı və başqa sahələrdə çalışır.

Misir Milli Statistika Agentliyinin 2008-ci ildə açıqladığı rəqəmlərdə qeyd olunur ki, 1.5 milyon əhali imkansızlıqdan Qahirənin qəbiristanlıqlarında yaşamaq məcburiyyətindədir. Bu insanların bir çoxu elektrik, su və əsas ehtiyaclardan məhrumdur.