Müğənnilər Roza Zərgərli ilə Rəhim Rəhimli arasındakı qalmaqal böyüyüb.

Musavat.com xəbər verir ki, Rəhimin dediklərinə Roza "ATV maqazin onlarla"da cavab verib. O, həmkarının ünvanına sərt ifadələr deyib:

"Rəhimlə dostumuz, rəhmətlik Rüfətin klipində bir olmuşuq. İllər boyu görüşmüşük, nə oldu? Yadında deyil, evinə gəlməyim? Xaricdə yaşayırdın, yeni qayıtmışdın. Nə klipin, nə obrazın var idi. Mahnı satıb dolanırdın.Hamının pis günü olub. Sənin də ehtiyacın var idi, evinə girdim, sağ tərəfində otaq, solda piano var idi. Anan çay da süzdü, şirniyyat da qoydu. Deyir ki, Roza ilə səhnə bölüşməmişəm. Sonra yadına düşür ki, Rozanın konsertində olub. Cəsarəti var, etiraf etdi ki, ara qarışdırmışam. Bunu bəyəndim. Yaxşı dost idinsə, musiqiçiləri qızışdırmazdın. Deyərdin, dostumun pulu yoxdu, yerinə ödəyim. Zəng edib deyərdin ki, Roza, narahat olma, həll etdim. Olmayan borcumu indi ödəyirsən? İki il keçib, gecikmisən.

O nə oyun, tamaşa idi? Şekspir ağlayır sənin üçün. Səmimi deyilsən, səmimi olsaydın, qadınlarla dostluq etməyi bacarardın. Yaxşı oğlan olsaydın, sənətçi dostların səninlə sona kimi dostluq edərdi. Ölüyə də, diriyə də rəhmət düşür. Sən diri-diri rəhmətsən. Allah sənə şəfa verməsin, rəhmət eləsin".

Qeyd edək ki, Rəhim Rozanın illər əvvəl verdiyi konsertdə musiqiçilərin qonorarını ödəmədiyini iddia edib.