ABŞ-da başlarından yapışıq siam əkizləri 11 saat davam edən əməliyyatla bir-birindən ayrılıb.

Filadelfiya şəhərindəki Uşaq Xəstəxanası cərrahlarından doktor Jesse Teylor 10 aylıq qız bacılar Erin və Abby Delaneyin cərrahiyyə əməliyyatının uğurlu keçdiyini açıqlayıb.

Teylor, "Siam əkizlərini ayırmaq son dərəcə mürəkkəb bir cərrahı əməliyyatdır. Əməliyyatdan sonra sağalma prosesi uzun çəkir. Delaney bacılarının əməliyyatı son dərəcə uğurlu keçdi", - deyə bildirib.

Qeyd edək ki, Erin və Abby Şimali Karolina ştatında ötən ilin iyul ayında vaxtından qabaq doğulmuşdurlar. 

Başdan yapışıq siam əkizləri döş qəfəsi, ya da qarnı yapışıq siam əkizlərinə nisbətən daha nadir görünür.

Delaney bacıları son 60 ildə Filadelfiya Uşaq Xəstəxanasında başlarından əməliyyatla bir-birindən ayrılan 23-cü siam əkizləridir.