Bir neçə gün öncə Səudiyyə Ərəbistanı rejiminin Yəmənin paytaxtı Səna şəhərini bombalaması nəticəsində onlarla yəmənli öldürülmüşdü. Ölənlərin əksəriyyəti qadınlar və uşaqlar olub. 

Bombardmandan xilas olan bu körpə isə ailəsinin bütün üzvlərini itirib. 

Xatırladaq ki, Səudiyyə Ərəbistanı Amerikanın və bəzi ərəb rejimlərinin də dəstəyi ilə 2015-ci ilin mart ayından bəri Yəmənə hərbi təcavüz edib və bu ölkəni quru, hava və dənizdən mühasirəyə alıb.

Bu hücumlar nəticəsində indiyə qədər 12 mindən çox dinc Yəmən sakini dünyasını dəyişib və on minlərlə insan evlərindən didərgin düşüb. Yəmənə qarşı müharibəyə görə ölkə boyu təxminən 3 milyon insan təmiz içməli su olmaması və zibillərin yığılmaması nəticəsində hər gün vəbaya yoluxma riski ilə üzləşir.