Sumaq adətən xörəklərimizə turş dad vermək üçün istifadə etdiyimiz ədviyyatdır. Bu ədviyyat yalnız dad vermə xüsusiyyəti ilə deyil, sağlamlığa faydası ilə də bilinir.

İnfeksion xəstəliklərin qarşısını alır.

Sumaq bədəndə iltihablanma, artrit, dəri iltihabı, bronxit və bu kimi xəstəliklərin sağaldılmasında istifadə edilir.

Sumaq anti-inflamatuar və anti-mikrobial özəllikləri sayəsində dəri problemlərinin müalicəsində və yaraların sağalmasında köməkçidir. Çeynənmiş sumaq yarpaqları dəri pullanmaları, iltihablı diş ətlərinə fayda verir.

Sumaq ürəyi və qaraciyəri qoruyur.

Yüksək xolesterol ürək və qaraciyər problemlərinin əsas səbəbidir. Sumaq isə xolesterolu aşağı salır.

Bəzi araşdırmalarda, sumaq bitkisinin anti-kansoregen olduğu ortaya çıxıb. Buna görə də sumaq kimyəvi müalicədə bir dərman olaraq istifadə edilir.

Sumaq qadın xəstəliklərini müalicə etmək məqsədi ilə də istifadə olunan bir bitkidir. Həddindən çox vaginal axıntı durumunda və ana südünün artırılması üçün də faydalıdır. Menstruasiya pozuntusunu tənzimləyir.

İnsan bədənində detoks təsiri yaradır. Zərərli toksinlər və tullantılar zamanla insan bədənində yığıla bilir. Bu zərərli toksinlər zamanla müxtəlif sağlıq problemləri meydana gətirə bilər. Sumaq bu tullantıların və toksinlərin bədəndən asan çıxarılmasını asanlaşdırmaq üçün istifadə edilir.

Sumaq, nəfəs və nəfəs yolları xəstəliklərini müalicə etmək məqsədi ilə istifadə olunur. Sumağın müxtəlif nəfəs yolu xəstəliklərinə fayda verdiyi elmi araşdırmalarla təsdiq olunub.

Sumağın sidikqovucu xüsusiyyəti var. Buna görə bədəndən toksik maddələrin atılmasına kömək edir.

Sumaq bağırsaqlara faydalıdır. Orta Şərq ölkələrində sumaq suyu mədə problemlərini aradan qaldırmaq üçün istifadə olunurdu. Sumağın sahib olduğu büzücü və soyuducu özəlliklər bitkini həzm problemlərinin müalicəsi üçün müalicə edici bir hala gətirir.

Sumaq qanı təmizləmək və boğaz ağrısını müalicə etmək üçün faydalıdır.

Sumaq necə istifadə olunur?

Sumağı bişirmiş olduğunuz toyuğa, salatlara, qatığın üzərinə, qutablara və ya ət yeməklərinizə əlavə edin. Sumaqdan eyni zamanda içki kimi də istifadə edə bilərsiniz.

Sumaq suyunun hazırlanma qaydası:

Lazım olanlar: 

1 stəkan su
1 xörək qaşığı bal
2 xörək qaşığı sumaq

Hazırlanması:

Suyu və balı kiçik bir qazana tökün. Orta temperaturda qaynadın. İçərisinə sumağı qatın. 10 dəqiqə qarışdırdıqdan sonra dəmləməyə qoyun.