Aidiyyatı qurumlar baş tibb bacısı ilə bağlı niyə tədbir görmürlər?

Sabirabad rayon Mərkəzi Xəstəxanası ilə bağlı ölkə mətbuatında davamlı olaraq şikayətlər dərc edilməkdədir. Rayon xəstəxanasında baş alıb gedən korruppsiya hallarının qarşısını isə aidyyatı qurumlar nədənsə ala bilmirlər desək heçdə yanılmarıq. Qaynarxett.com saytına daxil olan məlumata görə bir müddət əvvəl haqqında ölkə mətbuatında çoxsaylı şikayətlər dərc edilən işdən çıxarılan xəstəxananın baş tibb bacısı Lalə Dadaşovanın yerini daha “əzazil” bir tutub. Məlumatda bildirilir ki, hazırda Sabirabad xəstəxanasını idarə edən, daha doğrusu vətəndaşlardan rüşvət yığan,problemləri həll edən şəxs genekologiya şöbəsinin baş mamaçası və xəstəxananın baş tibb bacısı vəzifəsini əvəz edən Sevinc Hüseynovadır.

Məlumatda bildirilir ki, Sevinc Hüseynova xəstəxana rəhbərliyində işləyən şəxslərdən birinin himayəsi altında hərəkət edərək bütün işlərə müdaxilə etməklə bərabər, həmdə həkimlərdən yığılan qeyri-qanuni vəsaitlərə nəzarəti həyata keçirir. Vəziyyət o yerə çatıb ki, xəstəxanada işə düzəlmək istəyənlər belə məhz Sevinc Hüseynova vasitəsi ilə danışılqara gedirlər. Yəni işə girmək istəyən şəxs ilk öncə Sevinc Hüseynovanı görməli onunla razılaşmalı və sənədlərini ona təqdim etməlidir.

Qaynarxett.com-a verilən məlumatda qeyd edilir ki, Sevinc Hüseynova himayəçisinin verdiyi dəstəklə artıq rayon xəstəxanasını baş həkim əvəzinə idarə edir. Direktor Ənvər Lumanov nədənsə Sevinc Hüseynovaya “gözün üstündə qaşın var”demir. Xəstəxanada dəhlizlərində yayılan söz söhbətlərə görə Sevinc Hüseynova direktorun hansısa gizlin əməllərindən xəbərdar olduğu üçün Ənvər Lumanov ona heçnə deyə bilmir. Əlbətdə bu bir iddadı. Ancaq Sevinc Hüseynova Sabirabad xəstəxanasında vəzifə səlahiyyətinə görə 10-cu adam olmasına baxmayaraq, birinci şəxslərin işlərini görür. Bu isə o anlama gəlir ki, baş tibb bacısı ilə başda Ənvər Lumanov olmaqla bütün xəstəxana rəhbərliyi hesablaşır. Buna səbəb kimi, yerli hüquq mühafizə orqanlarının rəisinin biri ilə Sevinc Hüseynovanın yaxın münasibətinin olmağı göstərilir. Məlumatda qeyd edilir ki, Sevinc Hüseynova keçmiş baş tibb bacısı Lalə Dadaşovadan fərqli olaraq, həm həkimlərlə, həmdə xəstəxanaya gələn vətəndaşlarla kobud danışmaqla bərabər, onları təhdid belə edir.

Xəsətxana işçilərinin iddiasına görə Sevinc Hüseynova məhz genekologiya şöbəsinin baş mamaçası vəzifəsinə keçdikdən sonra Bakı şəhərində mənzil və özünə xarici avtomobil alıb.

Məsələ ilə bağlı araşdırmamız davam edir.