Rəsmi Bakı və Kiyev arasında hökumətlərin icazəsi olmadan Dağlıq Qarabağ və Donbasdan malların gətirilməməsi mövusunda razılıq əldə olunub. Bunu "İnterfax" agentliyinə müsahibəsində Ukraynanın Azərbaycandakı səfiri Aleksandr Mişenko bildirib. O, əlavə edib ki, Ukrayan prezidenti Petro Poroşenkonun Bakıya səfəri zamanı iki ölkənin işğal olunmuş ərazilərindən malların gömrükdən buraxılamamsı mövzusunda razılaşma imzalanıb. 

Diplomatın sözlərinə görə, iki ölkənin gömrük rəhbəriləri görüşərək rəsmi icazə ilə malların ixracı və idxalı ilə mövzusunda birgə mexanizm hazırlayıblar.

Qeyd edək ki, Ukraynadan gətirilən mallarda Donestk və Luqansk vilayətlərinin aksiz markası olan istənilən məhsulun Azərbaycan ərazisinə daxil olmasına, o cümlədən Dağlıq Qarabağdan gətirilən malların da Ukrayna ərazisinə daxil olmasına icazə verilməyəcək.