Pekində zibillərin təkrar emalından  inşa edilən  yolun açılışı olub.Bu barədə CPTN portalı xəbər verib.

Yeni nəqliyyat arteriyası Çinin paytaxtında Çaoyan  rayonunda inşa edilib. İnşaat zamanı kərpic, plitka artıqları və digər inşaat zibillərindən istifadə olunub.

Materialların belə mənbəyinə baxmayaraq, şəhər hökuməti  yeni yolun  bütün tələb və standartlara uyğun olduğunu bəyan edib.

Mütəxəssislər hesab edirlər ki, tikinti artıqlarının təkrar emalı inşaat xərclərini 20 faiz azaltmağa və yolların  tikilməsi templərinin  sürətlənməsinə səbəb olur, həmçinin ölkənin ekologiyasının qorunmasını təmin edir.