İnsanların evini icasəsiz sökmək, ağacları yerlə yeksan etmək, tikilən binanın balaca zərzələdə dağılmasını təmin etmək məqsədi ilə fəaliyyət göstərən MTK…

Sözügedən ünvandakı binanın daşıyıcı sütunlarında və kolonlarında 12 millimetr diametrli armaturlardan istifadə olunub. Hətta deyəsən sözügedən şirkət daşıyıcı sütunlarda və kolonlarda 4 ədəd armaturdan istifadə etməklə gələcəkdə baş verəcək zəlzələ və ya təbii fəlakətdə ilk dağılacaq bina olaraq adını tarixə yazdırmaq fikrindədir. “Orbita MTK” sözügedən sütunların və kolonların apalovkasını qurduğu üçün sütunlardakı armatur sayını artırmaq mümkün deyil. Bununla yanaşı binanın təməlini qoymadan ərazidəəkilmiş ağacları da buldozerlə yerlə yeksan edib.

Bundan başqa “Orbita MTK” pas atmış köhnə, ucuz və keyfiyyətsiz armaturlardan istifadə etməsi yolverilməzdir ki, aidiyyatı qurumlar bu məsələyə xüsusi diqqət ayırmalıdır.

2019 - cu ilin fevral ayında Prezident Administrasiyasının sənədlərlə və vətəndaşların müraciətləri ilə iş şöbəsinin müdiri, Süleyman İsmayılovun açıqlamasında “Orbita MTK”-nın ən çox şikayət olunan tikinti şirkəti olduğunu bildirib.

İnanırıq ki, Süleyman İsmayılov mərkəzi və yerli icra hakimiyyəti orqanlarında, digər qurumlarda vətəndaşların müraciətlərinə, xüsusilə şikayətlərinə daha çox diqqət yetiriləcək və şikayətlərin sayı getdikcə azalacaq desə də, vətəndaşlar yerli icra orqanının məsələyə baxmadığını deyərək son günlərdə məsələni yenidən gündəmə gətirib.

May ayının 5-də vətəndaşlar evlərini qanunsuz şəkildə sökən “Orbita MTK” barəsində “Nizami Rayon İcra Hakimiyyətinə” müraciət etsələr də, şikayətlərinə baxmadıqlarını dilə gətiriblər.

Araşdırmamız davam edir.

Qarşı tərəfin mövqeyini dərc etməyə hazırıq.