Bu sözləri Norveç Xarici İşlər naziri Borge Brende NRK-a telekanalına açıqlamasında deyib.

Nazir bildirib ki, İŞİD və digər terror qruplaşmalarına qarşı mübarizə daha kəskin xarakter almalıdır:

“İstanbulda baş verən terror hücumu tamamilə qorxunc hadisədir. Xeyli dinc sakin öldü, bir neçəsi yaralandı. Cəmiyyətdə qorxu meydana gəldi. 2017-ci ilin ilk günü belə hadisənin baş verməsi terrora hələ də qalib gələ bilməməyimizin göstəricisi idi. Şübhəsiz ki, terrorçuların məqsədi Türkiyədə qeyri-sabitlik yaratmaqdır. Güman edirəm ki, bu istəklərinə nail ola bilməyəcəklər. Türkiyə böyük ölkədir və böyük mənbələrə sahibdir”.