Çexiya liqasında oynanan “Slavacko”- “Bohemians”1905 oyununda Toqolu oyunçu Francis Kone dili qatlanan rəqib komandanın qapıçısı Martin Berkovecin həyatını qurtardı.

“Slovacko” oyunçusu Kone komanda yoldaşı Daniel Krch ilə toqquşduqdan sonra halı pisləşən qapıçının dilini geri çəkərək nəfəsinin kəsilməsini qarşısını aldı.

Qapıçı Berkovec bununla bağlı “Facebook”dan təşəkkür mesajı yaydı: “Təcili müdaxiləsi üçün Koneyə təşəkkür edirəm. Xilas olduğum üçün xoşbəxtəm” dedi. Kone isə daha əvvəl bir dəfə Taylandda, iki dəfə də Afrikada futbolçulara bənzər yardım etdiyini söylədi. O bu məqamda ilkin olaraq “dillərini udmamalarını təmin etməyə çalışıram” dedi.