Amerika fonda bazarlarında səhmlərin qiymətində dəyişiklik olmayıb. Buna səbəb ABŞ-da hərbi qulluq zamanı vəfat edənlərin xatirəsi ilə bağlı mayın 28-nin qeyri-iş günü olması ilə əlaqədar Amerika fond bazarının fəaliyyət göstərməməsidir.

Avropa fond bazarlarında "FTSE 100" indeksi 0,18% - 7 730,28 bəndədək bahalaşıb, Almaniya DAX-ı 0,58% - 12 863,46 bəndədək ucuzlaşıb, Fransa CAC-40-ı 0,61% - 5 508,93 bəndədək, ucuzlaşıb.

COMEX-də sonuncu hərraclarda qızılın unsiyasının qiyməti 5,80 dollar azalaraq 1 303,20 dollara, gümüşün unsiyasının qiyməti 0,07 dollar azalaraq 16,48 dollara satılıb.

Dünya birjalarında neftin qiyməti fərqli istiqamətdə dəyişib.

Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 1,05 dollar və ya 1,55% azalaraq 66,83 dollar təşkil edib.

ICE London qitələrarası birjasında Brent markalı neftin 1 barelinin dəyəri isə 0,36 dollar  ya 0,48% artaraq 75,66 dollar təşkil edib.