Azərbaycanda əhali, xüsusilə 13 yaşadək uşaqlar arasında göz və gözün əlavə aparatının xəstəliklərindən əziyyət çəkənlərin sayı çoxalıb.

Ölkədə son 6 il ərzində 13 yaşadək uşaqlar arasında göz və gözün əlavə aparatının xəstəliklərinin sayı 1,5 dəfə artıb.

2010-ci ildə 13 yaşadək uşaqlar arasında bu xəstəlikdən əziyyət çəkənlərin sayı 17 636 nəfər, 2015-ci ildə 24 530 nəfər, 2016-cı ildə 26 129 nəfər olub.

2010-cu ildə 13 yaşadək hər 10 000 nəfər uşağın 94,1 nəfəri, 2015-ci ildə 120,1 nəfəri, 2016-cı ildə 125,8 nəfəri bu xəstəlikdən əziyyət çəkib.

Azərbaycanda bu xəstəliyin artımı digər yaş kateqoriyaları üzrə də müşahidə edilib.

2010-2016-cı illər ərzində ölkədə 14-29 yaşlı insanlar arasında göz və gözün əlavə aparatının xəstəliklərindən əziyyət çəkənlərin sayı 2 dəfəyə yaxın, yaşı 30-dan çox olanlar arasında 1,5 dəfə çoxalıb.

2010-cu ildə ölkədə 14-29 yaşlılar arasında göz və gözün əlavə aparatının xəstəliklərindən əziyyət çəkənlərin sayı 8 219 nəfər olduğu halda, 2015-ci ildə bu rəqəm 14 727, 2016-cı ildə 15 871 nəfər olub.

14-29 yaşlı hər 10 000 nəfər gənc arasında göz və gözün əlavə aparatının xəstəliklərindən əziyyət çəkənlərin sayı 2010-cu ildə 29,1 nəfər, 2015-ci ildə 55,3 nəfər, 2016-cı ildə 60,9 nəfər olub.

Ötən illər ərzində göz və gözün əlavə aparatının xəstəliklərinin sayı 30 və yuxarı yaşlı əhali arasında da artıma doğru dəyişib.

2010-cu ildə 30 və yuxarı yaşlı əhali arasında göz və gözün əlavə aparatının xəstəliklərindən əziyyət çəkənlərin sayı 16 749 nəfər olduğu halda, 2015-ci ildə bu rəqəm 23 017, 2016-cı ildə 25 651 nəfər olub.

Azərbaycanda 30 və yuxarı yaşlı əhalinin hər 10 000 nəfərinə düşən göz və gözün əlavə aparatının xəstəliklərinin sayı 2010-cu ildə 38,4 nəfər, 2015-ci ildə 46,6 nəfər, 2016-cı ildə 50,5 nəfər olub.