Noyabrın 3və 4 -də Almaniya federal xarici işlər naziri xanım Annalena Berbok danışıqlar üçün Yerevana və Bakıya səfər edəcək.
Bu barədə Almaniyanın Azərbaycandakı səfirliyindən Turana bildiriblər.
Bu, xarici işlər nazirinin 2023-cü ilin yazında Gürcüstana səfərindən sonra Ermənistan və Azərbaycana ilk, Cənubi Qafqaza isə ikinci səfəridir.
Bakıda Berbok həmkarı Ceyhun Bayramovla görüş keçirəcək və bundan sonra Azərbaycan Respublikasının Xarici İşlər Nazirliyində birgə mətbuat konfransı baş tutacaq.
“Almaniya davamlı sülhə, regionun siyasi və iqtisadi diversifikasiyasına və Avropa İttifaqı ilə sıx və yaxşı münasibətləri üçün çalışır. Bunun üçün regionda etimad və barışıq yaradılması çox vacibdir. Məqsəd azərbaycanlıların və ermənilərin öz milli sərhədləri daxilində sülh və təhlükəsizlik şəraitində yaşaya bilmələri üçün danışıqlar yolu ilə hərtərəfli sülh həllidir. Bu məqsədlə biz Avropa Şurasının prezidenti Şarl Mişelin vasitəçiliyi ilə üçtərəfli danışıqların tez bir zamanda bərpasını dəstəkləyirik və Cənubi Qafqaz xalqları üçün sülh və sabitliyə töhfə verən hər hansı bir əlaqəni dəstəkləyirik” səfirliyin məlumatındda deyilir.
Contact.azскачать dle 12.1