10-02-2024, 15:59- Putinin Karlsona müsahibəsi propaqanda platforması kimi tənqid olunur
10-02-2024, 14:22- Avropa Xarici Fəaliyyət Xidmətinin mətbuat katibinin Azərbaycanda prezident seçkilərinə dair bəyanatı
2-02-2024, 09:58- ATƏT DTİHB: ‘…Digər altı namizədin hər biri yaxın keçmişdə prezidenti dəstəkləyib’
30-01-2024, 17:57- Azərbaycana avtomobil gətirənlərin xərci 2 dəfə artıb
30-01-2024, 13:39- Məhkəmə fəalın apellyasiya şikayətini təmin edib
25-01-2024, 17:01- AŞPA-nın qərarının təsiri: Azərbaycan müxalifəti nəticələr haqqında düşünür
25-01-2024, 12:54- AŞPA məruzəçisi: Azərbaycan və Türkiyə jurnalist hüquqlarının pozulmasında liderdir
22-01-2024, 16:11- Rusiya Qərbi Rusiyanın aktivlərinin dondurulmasına cavab olaraq 288 milyard dollar itki ilə hədələyir
22-01-2024, 14:30- Hafiz Babalı onu gözdən salan KİV-i məhkəməyə verəcək
22-01-2024, 13:59- Başqırdıstan etirazlarına görə dörd nəfərə ittiham verilib
19-01-2024, 12:34- Vəkil: Nərgiz Absalamovanın ailə üzvləri ilə təmaslarına məhdudiyyət qoyulmasının əsası yoxdur
19-01-2024, 10:58- Fəalları Başqırdıstanı Rusiyadan ayırmaq çağırışlarında ittiham edirlər
17-01-2024, 16:00- Aİ-nin Azərbaycandakı Nümayəndəliyinin rəhbəri jurnalistlərə qarşı rəftardan dəhşətə gəldiyini bildirib
17-01-2024, 14:07- Ermənistan siyasətçiləri məyusdurlar: ‘Əliyev yeni müharibəyə hazırlaşır’
17-01-2024, 13:56- Ötən ilin yekun iqtisadi göstəriciləri açıqlanıb
16-01-2024, 16:25- ‘Ayrıcadırlar’: İrandan dəstək görsələr də, husilərin müstəqilliyi İranı qoruyur
16-01-2024, 11:54- Tramp Ayovada praymeriz seçkilərini udur
16-01-2024, 11:53- Jurnalist Şahin Rzayev həbs edilib
12-01-2024, 14:52- ABŞ və Böyük Britaniya Yəməndə hisilərin mövqelərini vurur
12-01-2024, 10:31- Britaniyanın baş naziri Kiyevdədir
“Bəxtiyar Hacıyevin vəziyyəti ağırdır, ürəyində problemlər yaranıb”
Həbsdə olan ictimai fəal Bəxtiyar Hacıyevin vəkilləri Elçin Sadıqov və Zibeydə Sadıqova yanvarın 28-də onunla görüşmək üçün Bakı İstintaq Təcridxanasına getsələr də, onlara icazə verilmədiyi bildirilir.
Bu barədə Meydan TV-yə ictimai fəalın digər vəkili Rövşanə Rəhimli məlumat verib.
O bildirib ki, Bəxtiyar Hacıyev yanvarın 9-dan başladığı aclığı davam etdirir və səhhətində kəskin problemlər yaranıb.
Onun sözlərinə görə, Bəxtiyar Hacıyevin durumundan narahat olduqlarına görə vəkilləri növbə ilə hər gün onunla görüşüb, vəziyyətini diqqətdə saxlamağa çalışırlar.
“Bəxtiyar Hacıyevin vəziyyəti ağırdır, ürəyində problemlər yaranıb. Həkimlər xəbərdarlıq edib ki, aclığın beyinlə bağlı da fəsadları ola bilər. Aclığın 20-ci günüdür. Bir gün əvvəl məhkəmədə hərəkət etməkdə belə, çətinlik çəkirdi. Ona görə çalışırıq ki, hər gün 8 vəkildən heç olmasa, bir-ikisi gedib görüşə bilsin, durumunu diqqətdə saxlasın”, – Rövşanə Rəhimli bildirib.
Vəkil deyir ki, həmkarları Elçin Sadıqov və Zibeydə Sadıqovaya Bakı İstintaq Təcridxanasında dezinfeksiya işləri aparıldığını bildirərək, onların görüşünə imkan verməyiblər. Lakin vəkillər bunun gerçək səbəb, yoxsa bəhanə olduğunu bilmirlər.
Rövşanə Rəhimli yada salıb ki, hər dəfə görüşdən öncə vəkillərdən COVİD-19 testi vermək tələb olunur:
“Hər dəfə gedib səhər test veririk, axşamüstü cavabı hazır olur, səhəri görüşə gedirik. O cavab da cəmi iki gün qüvvədə olur. İki gün sonra yenidən test verməlisən. Bu cür hallarda – görüşə maneə yarananda isə o əziyyət də hədər gedir. Ümumiyyətlə, başqalarından tələb olunmadığı halda, vəkil niyə hər dəfə görüşə getmək üçün COVİD testi verməlidir?”
Bəxtiyar Hacıyevin vəkillərinin onunla görüşünün hansı səbəbdən baş tutmaması məsələsinə iş günü olmadığına görə Penitensiar Xidmətdən münasibət öyrənmək mümkün olmayıb.
Dekabrın 9-dan həbsdə olan Bəxtiyar Hacıyev Cinayət Məcəlləsinin 221.2.2 (ictimai qaydanın qorunması üzrə vəzifəni yerinə yetirən şəxsə qarşı müqavimət göstərməklə xuliqanlıq) və 289.1 (məhkəməyə hörmətsizlik) maddələrilə ittiham olunur. Bu maddələrdə 3 ilədək azadlıqdan məhrumetmə cəzası nəzərdə tutulub.
Bəxtiyar Hacıyevə qarşı cinayət işində söhbət ictimai fəalla jurnalist Ülviyyə Alovlu arasında qalmaqaldan gedir.
Bəxtiyar Hacıyev uzun müddətdir ki, polisə şikayət edərək, Ülviyyə Alovlunun cinayət məsuliyyətinə cəlb olunmasını tələb edirdi.
Bir müddət öncə sosial şəbəkələrdə Yasamal rayon Məhkəməsində Bəxtiyar Hacıyevlə Ülviyyə Alovlu arasında məhkəmə prosesi zamanı baş verənlərin videogörüntüsü yayılmışdı.
Həmin görüntülərdə Bəxtiyar Hacıyev əlindəki sənədləri masanın üstünə atır. İddia olunur ki, ictimai fəal məhz buna görə xuliqanlıq və məhkəməyə hörmətsizlikdə ittiham olunur. Lakin Bəxtiyar Hacıyev Daxili İşlər naziri Vilayət Eyvazovun sifarişilə həbs olunduğunu iddia edir.
O, zaman-zaman sosial media hesablarında Vilayət Eyvazov və nazirliyin fəaliyyətini tənqid edirdi.
O, 2022-ci ilin aprelində naməlum şəxslər tərəfindən paytaxtın mərkəzində oğurlanaraq, zorakılığa məruz qalıb.
Faktla bağlı cinayət işi başlansa da, bu günə qədər cinayəti törədən şəxslər tapılmayıb.