6-7 oktyabr tarixlərində Praqada Avropa Şurasının birinci iclası – Avropa ölkələri liderlərinin qeyri-rəsmi görüşü keçiriləcək. Tədbir Çexiyanın baş naziri Petr Fiala tərəfindən təşkil edilib, AŞ prezidenti Şarl Mişelin sədrliyi ilə keçirilir.

AŞ-nin iclası ərəfəsində liderlər oktyabrın 6-da Avropa Siyasi Birliyinin birinci iclasında iştirak edəcəklər. Bu çərçivədə Türkiyə prezidenti Erdoğanın Ermənistan baş naziri Paşinyanla görüşü, habelə AŞ prezidenti Şarl Mişel, Fransa prezidenti Emmanuel Makron, Azərbaycan prezidenti İlham Əliyev və Ermənistan baş naziri Nikol Paşinyanın iştirakı ilə dördtərəfli görüş keçirilməsi nəzərdə tutulur.

AŞ-ın qeyri-rəsmi iclasında AŞ liderləri Kremlin Ukraynaya qarşı təcavüzünü, onun ərazilərinin ilhaqını və Ukraynaya iqtisadi, hərbi, siyasi və maddi dəstəyi müzakirə edəcəklər. Bundan başqa, liderlər Avropanın həddindən artıq mühüm infrastrukturunu qorumağın ən yaxşı yollarını nəzərdən keçirəcəklər.

Liderlər əsas diqqəti Rusiya neft və qazından imtina etdikdən sonra enerji çatışmazlığı probleminin həlli üzərində cəmləşdirəcəklər.

Bu fonda enerji tariflərinin kəskin artışından əziyyət çəkən Avropa əhalisinə iqtisadi dəstək məsələləri həll olunacaq.

Avropa Siyasi Birliyinin görüşü ayrıca keçiriləcək. AŞ liderləri 2022-ci ilin iyununda Avropa Şurasının iclasında bu Birliyin yaradılması haqqında razılıq əldə ediblər. Qurumun məqsədi qarşılıqlı maraq doğuran məsələlər üzrə əməkdaşlıq üçün Avropa qitəsi ölkələrini birləşdirməkdir.

İclasın açılışı oktyabrın 6-da yerli vaxtla 13:15-də olacaq. Liderlərin iştirakı ilə dəyirmi masa saat 16:30-a nəzərdə tutulub, saat 19:00-da isə ikitərəfli görüşlər başlayacaq. Plenar iclasın yekunlarına dair mətbuat konfransı keçiriləcək.

Oktyabrın 7-də işgüzar iclaslar davam edəcək. Tədbirin sonunda Avropa Şurasının prezidenti, Avropa Komissiyasının prezidenti və Çexiya baş nazirinin iştirakı ilə mətbuat konfransı keçiriləcək. 

Contact.az