Qazaxıstanın Almatı şəhərində polislər Rusiya səfirliyinin qarşısında aksiyaya çıxan dörd nəfəri saxlayıblar.

Onlar Rusiya prezidenti Vladimiur Putinin oktybarın 12-də Astanaya planlaşdırılmış səfərinə etiraz edirdilər.

Saxlananların naməlum istiqamətdə aparıldıqları xəbər verilir. Bu barədə məlumatı AzadlıqRadiosunun Qazax xidməti xəbər verib.

Etiraz edənlərin əllərində plakatlar və Ukrayna dövlət bayrağının rənglərini əks etdirən mavi-sarı əklillər vardı.

Polis saxlanmanın səbəbini izah etməyib.

Rusiya səfirliyinin “mühafizəçisi”

AzadlıqRadiosunun müxbiri bildirir ki, fəalların saxlanmasını videoya çəkirmiş, lakin özünü səfirliyin mühafizəçisi kimi təqdim edən şəxs ona mane olub.

O əlləri ilə kameranı bağlamağa cəhd edib.

Bu da xəbər verilir ki, hələ etiraz aksiyasından əvvəl səfirliyin binasının və yaxınlıqdakı yeraltı keçidin yanında 20-dək polis nəfəri olub. Onlar həmin yerdən keçənləri yoxlayırdılar.

Oktyabrın 12-14-də Rusiya prezidenti Vladimir Putinin Astanaya səfəri planlaşdırılıb.

Qazaxıstanda bir sıra insan haqları müdafiəçiləri, politoloqlar və sakinlər Putinin Ukraynaya qarşı təcavüzünü pisləyir, bu səfərin ləğv olunmasını tələb edirlər.

Azadlıq radiosu