Cümə günü ABŞ Dövlət Departamenti bəyan ki, Qarabağ nizamlanması üzrə qarşılıqlı fəaliyyət göstərməklə bağlı Rusiya tərəfdən hər hansı cəhd görməyib, Turan-ın Vaşinqton  müxbiri bildirib.

“Əgər hər hansı ölkə dinc yolla nizamlanmaya kömək etmək üçün Ermənistan və Azərbaycanla bağlı bizimlə əməkdaşlıq etmək istəyirsə, sözsüz ki, biz bunu alqışlayarıq”, – Dövlət Departamentinin mətbuat katibinin müavini Vedant Patel gündəlik brifinqdə bildirib.

Patelin bu şərhi cümə günü Vladimir Putin “bütün dünyada münaqişələri həll etməkdən ötrü “xoş məram”dan istifadə edilməlidir” dedikdən sonra səslənib.

Putinin sözlərini şərh etməklə bağlı Turan-ın  müxbirinin xahişinə cavab olaraq Patel deyib: “Xoş məramın təzahürü Ukrayna xalqına qarşı təcavüzə, bu ölkənin bombalanmasına, xəstəxanaların atəşə tutulmasına və uşaqların oğurlanmasına son qoyulması olardı. Bütün bunlar xoş məram deyil”, – Patel fikrini yekunlaşdırıb.

Contact.az