Oktyabrın 17-də Avropa İttifaqı Şurası hərbi əməliyyatların effektiv aparılması üçün Ukrayna Silahlı Qüvvələrinin döyüş qabiliyyətini artırılması məqsədilə Ukraynaya hərbi yardım missiyasının  yaradılması barədə qərar qəbul edib. Bu, Ukraynaya öz ərazi bütövlüyünü qorumağa, öz suverenliyini effektiv şəkildə həyata keçirməyə və mülki əhalini müdafiə etməyə imkan verəcək. Bu barədə bazar ertəsi Avropa İttifaqı Şurasının məlumatında deyilir.

“Bu gün biz Ukraynanı Rusiyanın qanunsuz təcavüzündən qorumaq üçün ona dəstəyimizi gücləndiririk. Avropa İttifaqının hərbi yardım missiyası Ukrayna Silahlı Qüvvələrinin cəsarətli döyüşləri davam etdirməsi üçün ona təlim keçəcək. Avropa İttifaqı lazım olduğu qədər Ukraynanı dəstəkləyəcək”, – deyə xarici işlər və təhlükəsizlik siyasəti üzrə ali nümayəndəsi Josep Borrel bildirib.

Hərbi yardım missiyası Avropaya üzv dövlətlərin ərazisində fəaliyyət göstərəcək və “strateji səviyyədə ümumi koordinasiya üçün” əməliyyat qərargahı Brüsseldə olacaq.

Missiyaya vitse-admiral Herve Blejan komandanlıq edəcək. Missiyanın mandatı ilkin olaraq iki il üçün nəzərdə tutulub, bu dövr üçün təxmini ümumi xərclər isə 106,7 milyon avro təşkil edəcək.

Missiya Ukraynaya dəstəklə bağlı üzv dövlətlərin, eləcə də digər beynəlxalq həmfikir tərəfdaşlarla ikitərəfli fəaliyyətin koordinasiyasını təmin edəcək və üçüncü dövlətlərin iştirakına açıq olacaq.

Ukraynanın xarici işlər və müdafiə nazirləri Avropa İttifaqının ali nümayəndəsinə göndərdikləri 30 sentyabr tarixli məktubda xüsusi hərbi hazırlıq daxil olmaqla, fərdi və kollektiv səviyyədə (briqadaya qədər) hərbi dəstək istəyiblər. 

Contact.az