Ölkənin kəşfiyyat naziri və ordu rəisinin yerli müxalif fikirlilərə və dünyaya qarşı təhdidlərini təkrarlamalarına baxmayaraq, ölkənin cənub-şərqində qanlı repressiyaları xatırlayan etirazların nümayişləri cümə axşamı da küçələrdə tüğyan edib.

Bu arada, İranın İnqilab Keşikçiləri Korpusunun yüksək səviyyəli rəsmisi heç bir sübut təqdim etmədən hipersəs raketləri adlandırılan raketlərə sahib olduqlarını iddia edib.

İranda sentyabrın 16-da ölkənin əxlaq polisi tərəfindən saxlanılan 22 yaşlı qadının ölümünün səbəb olduğu etirazlar 1979-cu ildə İslam İnqilabı etirazlardan bəri ölkənin teokratiyasına qarşı ən böyük davamlı çağırışlardan birinə çevrilib.

İranda 54 gündür davam edən etirazları izləyən İnsan Haqları Fəalları qrupunun bildirdiyinə görə, iğtişaşlar zamanı azı 328 nəfər ölüb, 14 825 nəfər isə həbs edilib. İran hökuməti həftələrdir itkilərlə bağlı rəqəmlərdən danışmayıb. Dövlət mediası isə təhlükəsizlik qüvvələrinin heç kimi öldürmədiyini iddia edib.

Nümayişçilər hazırda bundan əvvəl öldürülənlərin 40-cı gününü qeyd etmək üçün küçələrə axdıqca, İranda və Yaxın Şərqdə daha geniş etirazlara səbəb ola və getdikcə hiddətlənən ictimaiyyətlə təhlükəsizlik qüvvələri arasında daha ağır qarşıdurmalarla nəticələnə bilər.

Hökumətin internetə maneələr qoymaq səylərinə baxmayaraq, İrandan yayılan onlayn videolarda paytaxt Tehranda, eləcə də ölkənin başqa şəhərlərində nümayişlər əks etdirilir. İsfahan şəhəri yaxınlığında çəkilən videoda gözyaşardıcı qazın tüstüsünü görmək olub və İranın ali dini lideri Ayətullah Əli Xameneyinin nəzərdə tutulduğu “Diktatora ölüm” şüarları eşidilib.

İranın dövlət İRNA xəbər agentliyi İsfahan yaxınlığındakı nümayişləri təsdiq etsə də, etirazların bu dönəmində yaralananların və ya həbs olunanların olub-olmadığı məlum deyil.

Etirazçılar sentyabrın 30-da İranın Sistan və Bəlucistan vilayətinin Zahedan şəhərindəki repressiyaların qurbanlarını yad edib. Fəalların bildirdiyinə görə, nümayişlər zamanı təhlükəsizlik qüvvələrinin hücumu nəticəsində 100-ə yaxın insan ölüb.

Amerikanın səsi