18-11-2023, 18:53- Qubad İbadoğlu: ‘Akif Çovdarovun, Eldar Həsənovun aqibətindən nəticə çıxarın…’
18-11-2023, 18:53- Qubad İbadoğlu: ‘Akif Çovdarovun, Eldar Həsənovun aqibətindən nəticə çıxarın…’
17-11-2023, 17:31- Qırğızıstan niqabı, uzun saqqalı yasaqlamaq istəyir
17-11-2023, 17:01- İranda tanınmış vəkil həbsxanadan buraxıldı, hicabsız fotosu paylaşıldı
17-11-2023, 16:21- Bayden: “Məsuliyyətli ABŞ-Çin münasibətləri bütün dünya üçün vacibdir”
17-11-2023, 15:49- Zaxarova Qərbi Ermənistanı Moskvadan qoparmağa çalışmaqda suçlayır
17-11-2023, 13:11- Qubad İbadoğlu ayaqlarının ağrısından yata bilmir
16-11-2023, 15:08- ABŞ Konqresində Qarabağla bağlı dinləmə keçirildi
16-11-2023, 13:57- Rusiyada polis ad günü keçirən 50 azərbaycanlıya orduya çağırış vərəqələri verib
15-11-2023, 18:56- İranda 45 ildən çox həbsə məhkum edilmiş fəala yeni cəza kəsilib
15-11-2023, 14:45- Rusiya Yakutiyanın müharibəyə hər həftə 500 nəfər göndərməsini istəyir
14-11-2023, 16:51- Məhkəmə Qubad İbadoğlunun vəkillərinin şikayətini təmin etməyib
8-11-2023, 19:02- “Hərbi qulluqçularımızın xeyli hissəsi kreditə girmiş şəxslərdir”
8-11-2023, 18:32- Hakimiyyət referendumu ertələyirmi?
8-11-2023, 15:40- Dövlət Departamentindən Qarabağı unutmadıqlarını bildirirlər
7-11-2023, 16:34- Rusiya Liviyada hərbi baza qurmaq istəyir
5-11-2023, 13:33- Ombudsman
5-11-2023, 13:32- Keçmiş MTN generalı haqqında yeni qərar: 106 min dollar da təzminat ödəməlidir
5-11-2023, 13:31- Pakistan 1 milyondan çox əfqanın deportasiyasına başlayıb
5-11-2023, 13:30- Ermənistan Azərbaycanın Qarabağda 9 yox, azı 16 nəfəri saxladığını iddia edir
Tehran məhkəməsi keçmiş prezident Əkbər Haşemi Rəfsəncaninin qızı Faizə Haşemini 5 il müddətinə azadlqıdan məhrum edən hökm çıxarıb.
Xəbər verilir ki, siyasi fəallığına və etirazlara divan tutan hakimiyyəti pisləyən çıxışlarına görə ona qarşı başqa ittihamlar da irəli sürülə bilər.
Xanım Rəfsəncaninin vəkili Neda Şəms Twitter-də yazıb ki, yanvarın 9-da çıxarılmış hökm hələ “yekun qərar” deyil:
“Mənim müdafiə etdiyim şəxs hələ də həbsxanadadır və ona qarşı başqa ittihamlar da irəli sürülüb”.
Vəkil Faizə Haşemi barəsində hökmün hansı ittiham əsasında çıxarıldığı və onu gözləyən başqa ittihamlar barədə məlumat verməyib.
İslam Respublikasının banilərindən birini qızı
Keçmiş millət vəkili və qadın haqları müdafiəçisi xanım Haşemi İranda dini üsul-idarənin əsasını qoyanlardan biri olmuş Əkbər Haşemi Rəfsəncaninin qızıdır.
İranın İslam İnqilab Keçikçiləri Korpusuna (İİKK) bağlı Təsnim agentliyi sentyabrın 27-də xəbər verirdi ki, Faizə Haşemi “iğtişaşları qızışdırdığına” görə şərqi Tehranda təhlükəsizlik qüvvələri tərəfindən həbs edilib.
O həbsindən əvvəl gənc qadın Məhsa Əmininin guya hicab qaydalarını pozmasına görə polisə aparılaraq orada vəfat etməsi barədə bəyənatlar vermişdi.
Haşemi habelə vurğulamışdı ki, hazırkı etirazlar İranda bundan əvvəl, əsasən iqtisadi səbəblərə görə baş vermiş etirazlardan fərqlidir və hazırda nümayişçilərin başlıca tələbləri daha çox azadlıq və insan haqlarıdır.
Bundan əvvəlki həbslər
İranda sentyabr ayından başlanmış etirazlar hələ də səngimək bilmir və bütün ölkəni bürüyüb.
Hakimiyyət etiraz aksiyalarına qəddar zorakılıqla reaksiya göstərir.
İnsan haqları təşkilatları indiyədək etirazlarda 500-dən çox insanın öldürüldüyünü, yüzlərlə xəsarət alanların olduğunu bildirir.
Bundan başqa etirazlarla bağlı jurnalistlər, vəkillər, fəallar və başqaları da daxil minlərlə şəxs saxlanıb.
Bunların bir çoxuna qarşı ölüm cəzası nəzərdə tutan ittihamlar irəli sürülüb.
Haşemi bundan əvvəl də hakimiyyətin ən kəskin tənqidçilərindən biri olub.
O bu məqsədlə Clubhouse adlı tətbiqdən istifadə edirdi və minlərlə dinləyicisi vardı.
O indiki mühafizəkar prezident İbrahim Rəisini hakimiyyətə gətirmiş 2020-ci il seçkisinin boykotuna çağıranlardan biri olmuşdu.
Faizə Haşemi bundan əvvəl bir neçə dəfə həbs olunub.
Onu 2009-cu ildə mübahisəli prezident seçkisinin nəticələrinə etiraz edən aksiyalara görə də saxlamışdılar.
Müxalifət həmin seçkinin nəticələrinin saxtalaşdırıldığını iddia edirdi.
Azadlıq radiosu