Rusiyanın paytaxtı Moskva şəhərinin meriyası miqrantlara komikslər paylayacaq. Bu barədə NTV kanalı məlumat yayıb. Məlumatda bildirilir ki, xarici vətəndaşlara paylanacaq komikslər düzgün davranış qaydalarının formalaşmasına xidmət edəcək.

Komikslərdə küçədə gedərkən ucadan danışmamaq, yemək yeməmək və ətrafda olan xanımları narahat edəcək heç bir addım atmamaq öz əksini tapıb. Miqrantlara paylanacaq komikslərin əsas simvolları isə rus nağıllarının qəhrəmanları olacaq.