ABŞ rəhbərliyi "Maydan" hərəkatı ilə hakimiyyətə gətirdiyi Petro Poroşenko hökumətini yaxın gələcəkdə dəyişmək niyyətindədir. Bu barədə "112 Ukrayna" telekanalı məlumat yayıb. Belə ki, telekanalda çıxış edən jurnalist Dmitriy Qordon bildirib ki, rəsmi Vaşinqton prezident Poroşenkonun fəaliyyətindən narazıdır və buna görə ona layiqli əvəz axtarışına çıxıb.

Məlumatda bildirilir ki, Petro Poroşenkonun istefaya göndəriləcəyi təqdirdə onun əvəzinə əsasən üç namizədin adı hallanır. Bunlar Ukrayna Təhlükəsizlik Xidmətinin keçmiş rəhbəri Valentin Nalivayçenko, "UDAR" partiyasının lideri Vitali Kliçko və ölkənin tanınmış müğənnisi Svyatoslav Vakarçukdur.

ABŞ-ın Petro Poroşenkoya olan inamının azalmasına əsas səbəb isə sabiq prezident Viktor Yaukoviçin rəhbərliyi dövründə mövcud olan korrupsiyanın hələ də dəyişməz qalmasıdır. Hazırda ukraynalı siyasətçi və məmurların adları əvvəllər olduğu kimi rüşvət qalmaqallarında tez-tez hallanır.