Türkiyədə növbəti terror gözlənilir - ABŞ dedisə, olacaq

Tarix:26-01-2017, 13:42 Baxış Sayı:226

ABŞ Xarici İşlər Nazirliyi rəsmi saytında vətəndaşlarına mümkün Türkiyə səfərlərini təxirə salmaları barədə xəbərdarlıq etdi.

Nazirliyin veb saytında dərc olunan xəbərdarlıq yazısında ABŞ vətəndaşlarına artan terror aktlarına diqqət çəkilərək, Türkiyənin cənub-şərq bölgəsinə getməkdən çəkinmək tövsiyə edilib.

Nazirlik həmçinin ABŞ dövlət rəsmlərinin İstanbul və Türkiyənin cənub-şərq bölgəsinə edəcəkləri rəsmi səfərlərə də məhdudiyyətlər tətbiq edib.

ABŞ Xarici İşlər Nazirliyi Türkiyədəki terror hücumlarının böyük tədbirlər, turistlərin sıx olduğu yerlər, restoranlar, gecə klubları, ibadətgahlar və müxtəlif nəqliyyat mərkəzlərində həyata keçirildiyini və xüsusilə əcnəbilərin cinayət və adam qaçırma aksiyalarında hədəfə alındığını göstərib.

Nazirlik vətəndaşlarına şəxsi təhlükəsizlik tədbirlərini nəzərdən keçirmələrini, yerli xəbər mənbələrini təqib etmələrini və hər an hazır olmalarını təklif edib.

Qeyd etmək yerinə düşərdi ki, bundan əvvəl də ABŞ Xarici İşlər Nazirliyi 3 dəfə vətəndaşlarına terror xəbərdarlığı edib və hər dəfəsində də kütləvi insan tələfatı ilə nəticələnin terror aktları baş verib. Amma təəssüf ki, ABŞ tərəfi bu xəbərdarlıqların heç birində əlində olan kəşfiyyat məlumatlarını Türkiyə tərəfi ilə bölüşməyib.

Xatırladaq ki, Türiyənin cənub-şərq bölgəsi əsasən kürdlərin yaşadığı Adiyaman, Qaziantep, Kilis, Şanlıurfa, Diyarbəkir, mardin, Batman, Siirt və Şırnak vilayətləri yerləşir.

ŞƏRH YAZ