Rusiya son bir ayda üçüncü səfirini itirib. "İnterfax" agentliyinin yaydığı məlumatda bildirilir ki, Rusiyanın Hindistandakı səfiri Aleksandr Kadakin də vəfat edib.

2009-cu ildən diplomat postunda çalışan 68 yaşlı kadakin Nyu-Dehli şəhərindəki xəstəxanada qısa müddətli xəstəlikdən sonra həyatını itirib.
 
Qeyd edək ki, Aleksandr Kadakinin vəfatı ötən ilin 19 dekabr tarixindən bu yana Ruysiyanın 3-cü diplomatın ölümünü rəsmiləşdirib. Buna qədər Rusiyanın Türkiyədəki səfiri Andrey Karlov dekabrın 19-da Ankarada iştirak etdiyi bir sərgidə güllələnərək qətlə yetirilib. Daha sonra Yunanıstanda RF səfirliyinin  konsul bölməsinin rəhbəri Andrey Malanin yanvarın 10-da vəfat edib. Malanin işə çıxmayıb, sonradan onun meyidi Afinadakı evində tapılıb.

Rusiyanın 3 ölkədə diplomatlarını itirməsi dünya mediasında böyük rezonans yaradıb. Məlumata görə, Rusiyanın Yunanıstan və Hindistandakı diplomatları sui-qəsd zamanı öldürülsə də, rəsmi Moskva bunu hələlik açıqlamaq istəmir. Diplomatların öldürülməsində isə ABŞ və mütəffiq ölkələrinin əlinin olması ehtimal edilir.