ABŞ prezidenti Donald Tramp miqrasiya siyasətinin sərtləşdirilməsi barədə fərman imzalayıb. Fərman qeyri-leqal  yollarla ölkəyə gələn miqrantlarla mübarizənin gücləndirilməsini nəzərdə tutur.

Donald Tramp miqrant kütləsinin ölkəyə daxil olmasını müvəqqəti qadağan edib və İraq, İran, Liviya, Somali, Sudan və Yəmən vətəndaşlarına viza verilməsini dayandırıb. Ağ Ev rəhbəri bundan əlavə ABŞ və Meksika sərhədində divar inşaası haqqında da fərman verib.

Qeyd edək ki, Donald Tramp seçkiqabağı kampaniya zamanı miqrantlarla bağlı qanunvericiliyin sərtləşdiriləcəyi mövzusunda dəfələrlə çıxışlar etmişdi.