Hələb şəhərini terror qruplşamalarından təmizləyən Suriya ordusu uğurlu əməliyyatlarını davam etdirməkdədir.

Artıq ordu terrorçuların əlində olan əraziləri geri almaqla Əl-Bab şəhərinin 8 kilometrliyinə çatıb. Türkiyə ordusu şimal, Suriya ordusu cənub və cənub qərbdən, kürdlər isə şərq tərəfdən şəhəri mühasirəyə alıblar.

Sputnik agentliyini verdiyi məlumata görə, Türkiyə ordusu və müttəfiqləri dəfələrlə Əl-Bab şəhərinə hücumlar gerçəkləşdirsə də hər hansı bir nəaliyyət əldə edə bilməyiblər. Suriya ordusunun yaxınlaşması isə İŞİD-in durumunu çətinləşdirsə də, Türkiyəyə bağlı terror qruplaşmaları ilə qarşıdurmalara səbəb ola bilər.

Türkiyənin Yen Şafak qəzetinin yazdığına görə, İŞİD Türkiyədən Tələfər bölgəsinə çoxlu sayda silah keçirib. Məqsəd isə İdlibdə digər terror qruplaşmaları arasında yaşanan ixtilaflardan istifadə edib Əl-Qaidənin Suriya qanadı olan Əl-Nusraya (hazırki adı Cəbhət Fəthul-Şam) ağır zərbə endirməkdir.