Hollivud ulduzu, Kaliforniyanın eks-qubernatoru Arnold Şvartsenegger ABŞ prezidenti Donald Trampın tənqidlərinə cavab verib. Məşhur aktyor Twitter səhifəsinə video müraciət yerləşdirirək Trampa iş yerlərini dəyişməyi təklif edib.

Buna qədər Donald Tramp milli səhər ibadəti yeməyində bildirmişdi ki, "Şöhrətini artır" (Celebrity Apprentice) teleşousunda yeni aparacı olan Arnold Şvartsenegger verlişin reyitnqini aşağı salıb. Hollivud ulduzundan qabaq həmin verlişdə aparıcı isə Donald Tramp olub.

Arnold Şvartseneggerin Donald Trampa müraciəti isə belə olub: "Ey, Donald, əla ideya var: Niyə də iş yerlərimizi dəyişməyək. Sən yenidən TV-yə rəhbərlik edəcəksən, çünki reytinqlər üzrə mütəxəssissən. Mən isə sənin işini yerinə yetirəcəm və insanlar artıq rahat evlərində yata biləcəklər".