Ukrayna Ali Radasının deputatı Nadejda Savçenko prezident olmaq planlarından danışıb. Bu barədə "RİA Novosti" agentliyi məlumat yayıb. Məlumata görə, Savçenko yerli kanalların birinə müsahibəsində deyib ki, hazırda prezident olmaq istəmir, lakin bu tezliklə baş verə bilər.

Nadejda Savçenko mövzu ilə bağlı bunları deyib: "İstəmirəm, ancaq ola bilərəm. Olacağam, əgər lazım gələrsə. Lakin bu ağır və məsuliyyətli bir işdir".
 
Ukraynalı deputat həmçinin bildirib ki, ölkəsinin yeni prezidenti diktator ola bilər. Özünü isə "xoşbəxt ukraynalı" kimi xaraketirzə edib və ciddi səhvə yol vermədiyini, gələcəkdə onu böyük uğurların gözlədiyini irəli sürüb.