Almaniya kansleri Angela Merkel vəzifəsini itirə bilər. Buna səbəb Merkelin Xristian Birlik Partiyasının keçirilən rəy sorğusunda geridə olmasıdır.

Almaniyanın "Forsa" şirkətinin keçirdiyi rəy sorğusu zamanı məlum olub ki, ölkədə keçiriləcək parlament seçkilərində Avropa Parlamentinin sabiq rəhbəri Martin Şultsun Sosial Demokrat Partiyası daha çox səs toplayacaq. Respondentlərin Angela Merkelə etimadı azaldığı üçün seçkilərdə yeni kanslerin müəyyənləşəcəyi bildirilir.

Qeyd edək ki, Almaniyada bundestaqa seçkilər bu il sentyabrın 24-də keçiriləcək. Seçkilərdə əsas rəqiblər kimi Merkel və Şultsun partiayaları göstərilir.