Zimbabve hökuməti ölkədə insan haqqları ilə bağlı narahatlığını dilə gətirən ABŞ diplomatına cavab verib. Belə ki, ölkə rəhbərliyi səfir Harri K. Toması sərt tənqid edib.
 
Buna qədər ABŞ-ın Zimbabve Səfirliyi sosial mediada hökumətə qarşı etirazlara rəhbərlik edən yerli keşiş Evans Mavarirenin həbsi ilə bağlı açıqlama yaymışdı ki, ölkədə insan haqqlarının durumu getdikcə pisləşir.

Məsələyə münasibət bildirən Zimbabve prezidentinin sözçüsü Corc Çaramba isə amerikalı səfiri Barak Obama dönəmindən qalan "qorxunc dövrün qalığı" adlandırıb: "O, (ABŞ səfiri) bizə əmr verə biləcəyini düşünür. Getsin özünü banan ağacından assın".