Rusiya Xarici İşlər Nazirliyinin rəsmisi Aleksandr Botsannın "PKK" terror təşkilatı ilə bağlı verdiyi açıqlama böyük ajiotaj yaradıb. Belə ki, Rusiyanın XİN rəsmisi bildirib ki, rəsmi Moskva Türkiyədəki PKK və Suriyadakı YPG-ni terror təşkilatları kimi görmür.

Aleksandr Botsan "RİA Novosti" agentliyinə müsahibəsində daha sonra bunları deyib: "Rusiya Federasiyası Türkiyədəki PKK ilə Suriyadakı YPG-nii terror təşkilatları olaraq görmür. Rusiyada bu iki təşkilat, rəsmi terror təşkilatı olaraq qəbul edilmir. Bu bir həqiqətdir. Biz terror hadisələrinə qarşı həssas addımlar atırıq. Terror aktı reallaşdıran şəxslər haqqında açılan istintaqın nəticələrinə görə mövqeyimnizi müəyyənləşdiririk".