ABŞ rohingiyalı müsəlman qaçqınların qəbuluna başlamaq niyyətindədir

Tarix:13-02-2017, 14:00 Baxış Sayı:243

ABŞ hökuməti İndoneziyada olan myanmarlı rohingiya müsəlmanlarına sığınacaq vermək niyyətindədir.Bu barədə The Jakarta Post xəbər yayıb. Nəşrin məlumatına görə, Amerika Baş Konsulluğunun nümayəndələri, həmçinin Qaçqınlar üzrə BMT Ali Komissar İdarəsinin əməkdaşları Açex əyalətində artıq bir neçə müsahibə aparıb.

Bundan əlavə, Medan şəhərində (Şimali Sumatra əyalətinin administrativ mərkəzi) Baş Konsul Cuxa Salin qaçqınların sənədlərin hazırlanması prosesinin qrafikə uyğun aparıldığını nəşrə təsdiqləyib. Bununla belə, Birləşmiş Ştatların nə qədər insan qəbul edəcəyi məlum deyil.

Hazırda İndoneziyada rohingiyalı müsəlmanların 800 üzvü var. BMT-nin proqramı ilə onların hamısına qaçqın statusu verilib.

Qeyd edək ki, azlıqda olan rohingiya müsəlmanları Myanmanın şimalında Rakhayn ştatında yaşayırlar. Lakin hökumət qüvvələrilə buddist dəstələr bu xalqşa qarşı daim işkəncələr həyata keçirir. Bir neçə ay öncə naməlum şəxslərin blokpostlara hücumu nəticəsində vəziyyət daha da pisləşdi. Həmin vaxt 9 polis öldürülmüşdü. Bundan sonra silahlı qüvvələrp Rakhayn ştatının qərbində xüsusi əməliyyatlara başladılar. Əməliyyatlar nəticəsində 86 yerli sakin qətlə yetirildi, 65 min nəfər isə öz evlərini tərk edərək, qonşu Banqladeşə qaçmaq məcburiyyətində qaldılar. Lakin Banqladeşdə də müsəlman qaçqınlar kimsəsiz və suyun altında qalmağa məhkum olmuş adaya sürgün edilir.

Myanma hökuməti on illərdir ki, rohingiyalıları ölkə vətəndaşı hesab etmirlər. Bundan əlavə rəsmi sənədlərdə, yaxud bəyanatlarda «rohingiya» sözü istifadə olunmur.

ŞƏRH YAZ