Belarus 80 ölkə ilə beşgünlük vizasız rejimə start verib. Bu barədə "Mir 24" telekanalı məlumat yayıb. Məlumata görə, ABŞ, Avropa ölkələri, Yaponiya, İndoneziya, Braziliya da daxil olmaqla, 80 ölkənin vətəndaşlarına Belarusa vizasız daxil olmaq fürsəti yaradılıb.
 
Belarusun turizm və idman nazirinin müavini Mixail Portnoy bildirib ki, yeni tətbiq edilən vizasız rejim turist axını üçün hesablanıb. "Sputnik" agentliyi xəbər verir ki, Belarusa getmək istəyənlərin axını yeni rejiminin ilk iş günündə müşahidə olunmayıb. Minskə ilk olaraq Finlandiyadan bir nəfər turist gəlib.
 
Əcnəbilər yalnız Minsk hava limanı vasitəsilə Belarusa vizasız gedə biləcəklər. Turistlərin gediş-gəliş üçün pasport və ya onu əvəz edən sənədləri mütləq olmalıdır.