Şimali Koreyanın qalmaqal yaradan raket sınağı ad günü hədiyyəsi imiş

Tarix:16-02-2017, 11:10 Baxış Sayı:139

Bir neçə gün öncə uğurlu ballistik raket sınağı həyata keçirən Şimali Koreya Tokio, Vaşinqton və Pekin hökumətləri tərəfindən tənqid olunmuşdu. Bu sınaq göz dağı kimi qiymətləndirilsə də, KXDR-in yüksək vəziyəli nümayəndəsi CNN-ə bununla bağlı sorğusuna cavab verib.

Rəsmi nümayəndənin sözlərinə görə, raket Kim Çen Inın göstərişi ilə Şimali Koreyanın sabiq lideri, 2011-ci ildə vəfat edən Kim Çen İrin 75 illiyi münasibəti ilə buraxılıb.

«Şimali Koreyada sabiq rəhbər Kim Çen İrin 2 gün çəkəcək ad günü tədbirləri bugündən başlayır. Bu münasibətlə konsertlər, atəşfəşanlıqlar və parad təşkil ediləcək.

Xatırladaq ki, bazar günü səhər vaxtlarında KXDR orta mənzilli ballistik raket sınaqdan keçirmişdi. Raket 500 km uçduqdan sonra Yapon dənizi akvatoriyasına düşüb.

Rönhap agentliyinin Cənubi Koreya kəşfiyyatına istinadla məlumatına görə, raket 2000 km mənzilli imiş.

«Raket mobil buraxılış qurğusundan 89 dərəcədən buraxılıb. Sınaq zamanı o, 8.5 Max (səsdən 8,5 dəfə sürətli) sürətə çata bilib», - deyə agentlik bildirib.

Hadisə Yaponiya, Cənubi Koreya və Avropa İttifaqı tərəfindən ciddi tənqidə səbəb olub. Ağ Ev isə bəyan edib ki, raket buraxılışı Tramp Administrasiyası üçün sürpriz olmayıb və ona adekvat cavab veriləcək. BMT TŞ da Şimali Koreyanın sınaqlarını sərt tənqid edərək, raket buraxılışının davam edəcəyi təqdirdə cavab tədbirləri görəcəkləri ilə hədələyib.

ŞƏRH YAZ