Ukraynanın devrilmiş prezidenti Viktor Yanukoviç dünya liderlərinə məktub yazaraq "Maydan" hadisələrinin dərindən araşdırılması və ölkəsində mövcud böhranın həlli ilə istiqamətində tədbirlərin görülməsini istəyib. Məktub Rusiya prezidenti Vladimir Putin, Ağ Ev rəhbəri Donald Tramp, Almaniya kansleri Angela Merkel, Fransa prezidenti Fransua Olland, Polşa dövlət başçısı Andjey Duda, Avropa Şurası Parlament Assambleyasının sədri Pedro Aqramunt, Avropa Şurasının baş katibi Torbyorn Yaqland və Avropa Parlamentinin prezidenti Antonio Tayana ünvanlanıb.

Yanukoviç dünya liderlərinə ünvanladığı məktubda Donbasın müstəqillik mövzusuna da toxunub: "Əldə etdiyim faktları sizin diqqətinzə çatdırmaq istəyirəm. Avropanın ürəyində, 2014-ci ilin fevralında Ukraynada baş verənlər silahlı münaqişənin gərginləşməsinə səbəb oldu. Həmin hadisələrə obyektiv hüquqi qiymət vermək lazımdır. Həm Ukraynada, həm də beynəlxalq səviyyədə. Hazırkı Ukrayna hakimiyyəti Minsk sazişlərini yerinə yetirmədiyi təqdirdə, Donbasın statusu haqqında referendumun keçirilməsinə başlamaq lazımdır".