İraqın Mosul şəhərində İŞİD terrorçuları orta məktəbi raketlə vurub. Bu barədə İraqın Terrorla Mübarizə İdarəsini rəsmisi Rza əl-Verdi məlumat verib. O, bildirib ki, Mosulun şərqində yerləşən ər-Rifaq rayonundakı orta məktəb pilotsuz təyyarədən raketlə vurulub.

Hadisə zamanı 1-i yeddi yaşlı, 2-si isə 10 yaşlı olmaqla 3 məktəbli dünyasını dəyişib. Hücumdan sonra digər şagirdlər məktəbdən evakuasiya edilib.

Qeyd edək ki, Mosulun şərq hissəsi terrorçulardan azad olunsa da, İŞİD qərb hissədən pilotsuz təyyarələr göndərməklə silahlı hücumlar həyata keçirir.