"BMT-yə üzv ölkələr proseslərdə iştirak etməklə yanaşı, onlara rəhbrəlik etməyi də öz öhdəsinə götürməlidir".Bu sözləri BMT baş katibinin birinci müavini vəzifəsinə başlayan Əminə Məhəmməd  bildirib. Nyu-Yorkda jurnalistlər qarşısında çıxış edən Əminə Məhəmməd deyib ki, təmsil olunduğu təşkilatın əsas vəzifəsi gənclər üçün imkanların yaradılması, gender bərabərliyi və yoxsulluqla mübarizədir.

BMT-də vəzifə alana qədər Əminə Məhəmməd Nigeriyanın ətraf mühit naziri vəzifəsini tuturdu. O, əvvəllər Nigeriya prezidentinin müşaviri olub, həmçinin Nyu-Yorkda Kolumbiya Universitetində dərs keçib.