Fransa dövlət başçısı Fransua Olland prezidentliyə namizəd Marin Le Penin qarşıdakı seçkilərdə qələbəsinə yol verməyəcəyini açıqlayıb. Bu barədə "Reuters" agentliyi məlumat yayıb.

Fransua Olland bildirib ki, Fransa xalqını ağır məsuliyyətdən qorumaq onun üçün müqəddəs vəzifədir: "Mənim müqəddəs vəzifəmdir ki, belə düşüncədə olan insanların qalib gəlməməsi üçün zəmanət verim".
 
Qeyd edək ki, Fransada keçirilən son rəy sorğularına əsasən, "Milli cəbhəsi" partiyasının lideri Marin Le Pen digər namizədləri geridə qoyur və əhalinin 27 faizi ona səs verməyə hazırdır.