Türkiyə və Almaniya arasında diplomatik gərginlik davam edir. Bu gün Almaniya kansleri Angela Merkel ölkəsi ilə rəsmi Ankara arasında münasibətlərin soyuqluğundan danışarkən Türkiyəni nasist dövrü ilə bağlı çıxışları dayandırmağa çağırıb.

Almaniya kansleri çıxışı zamanı bildirib ki, Türkiyə onlar üçün vacib tərəfdaşdır, lakin nasitlərlə bağlı apardığı müqayisə kədərlidir: "Nasist dövrünə yönəlik bəyanatlar səsləndirilməməlidir. Türkiyə ilə güclü əlaqələrimiz mövcuddur və münasibətlər bu nöqtədə inkişaf etdirilməlidir".
 
Angela Merkel həmçinin rəsmi Ankaradan "Die Welt" qəzetinin həbs edilən müxbiri Dəniz Yücelin tez bir zamanda sərbəst buraxılmasını da istəyib.

Buna qədər Merkel bəyan etmişdi ki, Türkiyə prezidenti Rəcəb Tayyib Ərdoğanın Almaniya siyasətini nasistlərlə müqayisə etməsi yersizdir və ona heç nə ilə bəraət qazandırmaq olmaz.