Türkiyəda diplomatik pasporta sahib olan bir qrup şəxs İsveçrədən sığınacaq istəyib. Bu barədə Almaniyanın "Tages-Anzeiger" qəzeti yazıb. Nəşrin iddiasına əsasən, sayları hələlik açıqlanmayan Türkiyə vətəndaşları həbs olunmaq təhlükəsi yarandığı üçün İsveçrəyə müraciət edib.

Məsələ ilə bağlı hələlik hər iki ölkənin rəhbərliyi heç bir münasibət açıqlamayıb.
 
Qeyd edək ki, 2016-cı il iyulun 15-dən 16-na keçən gecə bir qrup hərbi qiyamçı Türkiyədə çevrilişə cəhd etmişdi. Əsas gərginlik Ankara və İstanbulda yaranmışdı. Hadisə zamanı 240 türk vətəndaşı həlak olmuş, 2 mindən artıq insan yaralanmışdı.