"Hollandiya hakimiyyəti Türkiyədən rəsmi üzr istəməlidir, amma düşünrəm ki, bu kifayət etməyəcək".Bu sözləri Türkiyənin xarici işlər naziri Mövlud Çavuşoğlu bildirib. Türkiyəli nazirin fikrincə, Hollandiya hökumətinin mövqeyi qəbuledilməzdir: "Bu cür biabırçı hərəkətlərlə hətta Nasizm dövründə rast gəlinməyib. Biz Hollandiyaya qarşı əks cavab hazırlayırıq və bu, Hollandiyanın rəsmi üzr istəyəcəyi tarixə qədər davam edəcək".

Qeyd edək ki, ötən gün Niderland hakimiyyəti Türkiyə xarici işlər naziri Mövlud Çavuşoğlunun təyyarəsinin enişinə icazə verməyib, ailə və sosial siyasət naziri Fatma Betül Sayan Kayanı Türkiyənin Rotterdamdakı konsulluğuna buraxmayaraq ölkədən çıxarıb.