"Ankara Avropa İttifaqı (Aİ) ilə miqrasiya üzrə sazişə əməl etməyə lüzum görmür, razılaşmaya yenidən baxılmalıdır".Bu sözləri Türkiyənin Aİ işləri üzrə naziri Ömər Çelik bildirib. O, əlavə edib ki, Türkiyə boynuna düşən öhdəliyi yerinə yetirsə də, Avropa İttifaqı ölkələri verdiyi sözlərə əməl etməyib.

Nazirin sözlərinə görə, artıq məlum olub ki, Brüssel Türkiyə vətəndaşları üçün viza liberallaşdırılması üzrə obyektiv mövqe tuta bilməz.
 
Avropa İttifaqı ilə miqrantlara dair sazişin ləğv edilməsinin mümkünlüyü barədə ötən həftə ölkənin XİN rəhbəri Mövlud Çavuşoğlu da çıxış edib.
 
Qeyd edək ki, Brüsseldə Avropa İttifaqı və Türkiyə arasında 2016-ci il martın 7-də istisnasız olaraq bütün qaçqınların Yunanıstandan Türkiyə ərazisində yerləşdirilməsi barədə razılıq əldə olunub. Əvəzində Türkiyə vətəndaşlarına Avrpa Birliyi ölkələri ilə vizasız rejim, Avropa İttifaqı ilə inteqrasiya və AB ölkələri ilə danışıqların sürətləndirilməsi və miqrasiya böhranından çıxmaq üçün maliyyə yardımı ayrılması vəd olunub.